Íþróttir | Formúla 1 | mbl | 16.3.2014 | 16:11

Svipmyndir frá Melbourne

Mynd 1 af 36 Uppátæki í auglýsingaskyni geta verið margvísleg eins og í þessu dæmi þar sem Daniel Ricciardo spreytir sig gegn ástralskri orrustuþotu í aðdraganda kappakstursins í Melbourne. mbl.is/afp

Mynd 2 af 36 Allt þarf að vera samkvæmt kúnstarinnar reglum, framvængir formúlubíla líka. mbl.is/afp

Mynd 3 af 36 Fátt er verra fyrir ökumann en þurfa að hætta akstri og leggja biliðum bíl sínum við brautarkannt. Það fékk Lewis Hamilton að reyna á æfingum í Melbourne. mbl.is/afp

Mynd 4 af 36 Ekkert lát var á bilunum hjá Lotusliðinu í Melbourne. mbl.is/afp

Mynd 5 af 36 Lewis Hamilton hjá Mercedes var öflugur alla helgina, allt þar til hann félli úr leik í byrjun kappakstursins í Melbourne. mbl.is/afp

Mynd 6 af 36 Vélar formúlubílanna eru miklu lágværari í ár en áður og trufla ekki einu sinni mávanna í Albertsgarði í Melbourne. mbl.is/afp

Mynd 7 af 36 Nico Rosberg var öflugur á Mercedesbílnum alla helgina í Melbourne. Á sínum tíma komst hann þar á verðlaunapall í fyrsta sinn á ferlinum. mbl.is/afp

Mynd 8 af 36 Lotusbílarnir gátu lítið í Melbourne og Pastor Maldonado náði einu sinni ekki tímahring í tímatökunni. mbl.is/afp

Mynd 9 af 36 Í tímatökunum rigndi og þá keyra ökumenn með blikkandi afturljós til öryggis fyrir þá sem á eftir koma. mbl.is/afp

Mynd 10 af 36 Valtteri Bottas hjá Williams í smávegis hliðarskriði á rakri braut í Melbourne. mbl.is/afp

Mynd 11 af 36 Lítið fór fyrir drengskap áhorfenda í Melbourne en hér klappa þeir fyrir brottfalli Sebastian Vettel í annarri umferð tímatökunnar. mbl.is/afp

Mynd 12 af 36 Heimamaðurinn Daniel Ricciardo hjá Red Bull á ferð í tímatökunni í Melbourne. mbl.is/afp

Mynd 13 af 36 Lewis Hamilton fagnar ráspól en í öðru sæti varð Daniel Ricciardo (t.h.) og þriðji Nico Rosberg. mbl.is/afp

Mynd 14 af 36 Í miklu návígi verður eitthvað að gefa eftir ef bílar nuddast saman. Hér eiga þeir Suður-Ameríkumennirnir Sergio Perez hjá Force India og Esteban Gutierez hjá Sauber í samstuði sem kostar eitt stykki framvæng af Saubernum. mbl.is/afp

Mynd 15 af 36 Kamui Kobayashi hjá Caterham ók ekki langt í fyrsta móti ársins, aðeins nokkur hundruð metra. Læsti hann öllum fjórum hjólum á bremsusvæði fyrir fyrstu beygju og flaug aftan á Felipe Massa hjá Williams og hafnaði úti í malargryfju. mbl.is/afp

Mynd 16 af 36 Kobayashi (t.h.) og Massa á leið út í malargryfju við fyrstu beygjuna í Melbourne. Féllu báðir úr leik. mbl.is/afp

Mynd 17 af 36 Í fyrstu beygju. Fjærst má sjá Kobayashi á græna Caterhambílnum aka aftan á Felipe Massa hjá Williams. mbl.is/afp

Mynd 18 af 36 Franski ökumaðurinn Jean-Eric Vergne á Toro Rosso varð í áttunda sæti í Melbourne. mbl.is/afp

Mynd 19 af 36 Brautarvörður í Melbourne á harðahlaupum út fyrir öryggisgirðingu með brot af framvæng einhvers keppnisbílsins. mbl.is/afp

Mynd 20 af 36 Valtteri Bottas hjá Williams hefði eflaust orðið framar en í fimmta sæti hefði hann ekki rekist utan í vegg með þeim afleiðingum að afturdekk sprakk og tættist undan bílnum. mbl.is/afp

Mynd 21 af 36 Nico Rosberg nýtur stundarinnar á verðlaunapallinum í Melbourne eftir sigurinn í ástralska kappakstrinum. mbl.is/afp

Mynd 22 af 36 Daniel Ricciardo og Kevin Magnussen í návígi í Melbourne í morgun. mbl.is/afp

Mynd 23 af 36 Nico Rosberg á undan Daniel Ricciardo í kappakstrinum í Melbourne. mbl.is/afp

Mynd 24 af 36 Nico Rosberg hrósar sigri með félögum sínum hjá Mercedes í Melbourne. mbl.is/afp

Mynd 25 af 36 Felipe Massa að falla úr leik í Melbourne eftir aftanákeyrslu Kamui Kobayashi í fyrstu beygju. Aðrir ökumenn í kring sluppu með skrekkinn. mbl.is/afp

Mynd 26 af 36 Kamui Kobayashi hleypur í skjól eftir að hafa kálað Caterhambílnum í fyrstu beygju í Melbourne. mbl.is/afp

Mynd 27 af 36 Nico Rosberg sigrar í kappakstrinum í Melbourne. mbl.is/afp

Mynd 28 af 36 Alonso horfir hér á baksvip Mercedessbíls Lewis Hamilton í tímatökunni í Melbourne í morgun. mbl.is/afp

Mynd 29 af 36 Romain Grosjean þyrlar upp mölinni eftir útafakstur á æfingu í Melbourne. mbl.is/afp

Mynd 30 af 36 Alonso horfir hér á baksvip Mercedesbíls Nico Rosberg í tímatökunni í Melbourne í morgun. mbl.is/afp

Mynd 31 af 36 Sebastian Vettel yfirgefur bílskúr Red Bull eftir tímatökuna í Melbourne. mbl.is/afp

Mynd 32 af 36 Kevin Magnussen á undan liðsfélaga sínum Jenson Button í tímatökunni í Melbourne í morgun. mbl.is/afp

Mynd 33 af 36 Niko Rosberg á Mercedes í Melbourne í morgun en hann náði næstbesta tíma dagsins. mbl.is/afp

Mynd 34 af 36 Niko Rosberg hjá Mercedes á leið til næstbesta tíma á æfingum dagsins í Melbourne. mbl.is/afp

Mynd 35 af 36 Ökumenn Sauber í Melbourne, Esteban Gutiérrez (t.h.) og Adrian Sutil.

Mynd 36 af 36 Vettvangur ástralska kappakstursins, Albertsgarður í Melbourne. mbl.is/afp

Fyrsta mót ársins var ef til vill ekki eins fjörlegt og vonast hafði verið til og keppnin um fyrsta sætið engin vegna yfirburða Nico Rosberg í Melbourne.

Hvað sem því líður voru mörg skemmtileg augnablik í mótinu og yngri ökumenn settu mark sitt á kappaksturinn, sérstaklega þó Daninn Kevin Magnussen hjá McLAren og Finninn Valtteri Bottas hjá Williams.

Meðfylgjandi myndasyrpa gefur smá innsýn í mótið í Melbourne.