Felipe Massa hefur neyðst til að hætta þátttöku í ungvesrka kappakstrinum vegna veikinda og hefur Williamsliðið falið varamanninum Paul di Resta að taka þátt í tímatökunni og kappakstrinum í hans stað.

Massa kenndi heilsubrests í morgun en fékk leyfi eftir læknisskoðun til að taka þátt í æfingunni í morgun. Hvarf kvillinn ekki, heldur ágerðist og hætti hann akstri áður en æfingunni lauk. Kvartaði hann undan jafnvægisskorti. Talið er að hann hafi orðið fyrir veirusmiti.

Hann var fluttur á sjúkrahús í Búdapest til frekari rannsókna skömmu áður en að tímatökunni kom. Búist er við að hann verði klár í slaginn á ný þegar að belgíska kappakstrinum kemur eftir fjórar vikur.

Skotinn Di Resta keppti síðast í formúlu-1 fyrir Force India árið 2013 og eini undirbúningurinn undir þátttökuna er akstur í bílhermi í ár.

Tengdar fréttir

Formúla-1/Williams

Ráða Russell og Latifi út 2021

• Kubica hættir hjá Williams
• Alfa Romeo svipt stigum sem fara til Williams
• Williams með „spennandi“ uppfærslur
• Æfingu hætt vegna brunnloks

» Fleiri tengdar fréttir

• Blogga um frétt