Williamsliðið er að skoða Robert Kubica sem hugsanlegan ökumann á næsta ári, 2018. Hann hefur undanfarið spreytt sig talsvert á formúlu-1 bíl Renault.

Kubica varð fyrir alvarlegum meiðslum á handlegg í rallíslysi snemma árs 2011 og batt það enda á þáverandi keppnisferil hans í formúlu-1. Eftir að hafa náð býsna góðum bata og keppt að nýju í ralli hóf hann á árinu tilraunir til að  komast aftur í keppni í formúlunni.

Þótti hann standa sig vel við prófanir Renault en möguleikar hans á starfi þar gufuðu upp er liðið  ákvað að ráð Carlos Sainz sem keppanda við hlið Nico Hülkenberg.

Williamsliðið hefur nú staðfest að það sé að skoða Kubica sem keppanda á næsta ári. Þótt ekki hafi það verið staðfest bendir allt til að ungi Kanadamaðurinn Lance Stroll keppi áfram fyrir Williams. Auk pólska ökumannsins  eru inni í myndinni Felipa Massa og Paul di Resta, en sá fyrrnefndi var kallaður til baka til starfa eftir að Valtteri Bottas fór til Mercedes og fyllti þar skarðið sem Nico Rosberg skildi eftir sig.

Massa, sem er 36 ára, vill þó ekki keppa áfram nema fyrir liggi að liðið telji sig hafa mikla þörf fyrir þjónustu hans. Skotinn Di Resta, sem er 31 árs, þótti standa sig vel er hann hljóp í skarðið fyrir Massa í Búdapest vegna lasleika brasilíska ökumannsins.   

Meðal þeirra sem hafa verið að undirbúa jarðveginn fyrir Kubica eru Nico Rosberg.

Tengdar fréttir

Formúla-1/Williams

Ráða Russell og Latifi út 2021

• Kubica hættir hjá Williams
• Alfa Romeo svipt stigum sem fara til Williams
• Williams með „spennandi“ uppfærslur
• Æfingu hætt vegna brunnloks

» Fleiri tengdar fréttir

• Blogga um frétt