Lewis Hamilton sagðist hafa dregið úr ferðinni undir lok kappakstursins í Melbourne til að hlífa vélinni vegna nýrrar takmörkunar á fjölda véla sem ökumenn mega brúka refsilaust. 

Um tíma ofhitnaði Mercedesvélin í bíl Hamiltons er hann háði harða keppni við Sebastian Vettel á Ferrari sem ók til sigurs. Sama vanda lenti liðsfélagi Hamiltons í, Valtteri Bottas.

Hamilton kvaðst hafa viljað knýja bílinn alla leið í mark en hætti við það þar sem hann hefur aðeins þremur vélum úr að spila á vertíðinni í ár í stað fjögurra. Hann hafi orðið hræddur um að skemma vélina. „Hún hitnaði um of og ég verð að fara í gegnum sjö mót á henni, helst fleiri. Ég knúði hana grimmt og var á mörkunum.“

Tengdar fréttir

Formúla-1/Mercedes

Hamilton framlengir

• Einbeita sér að því að auka aflið
• Mercedes ræður Bottas út 2020
• Íhuguðu að taka Hamilton úr bílnum
• Hamilton færður aftur

» Fleiri tengdar fréttir

• Blogga um frétt