Force India hefur verið sektað um 100.000 evrur, jafnvirði um 12,5 milljóna króna, fyrir að hjól losnaði undan bíl Sergio Perez á mikilli ferð á annarri æfingu franska kappakstursins í gær.

Liðið þarf ekki að borga mestan hluta sektarinnar haldi það skilorðið sem kveðið var á um vegna 85.000 evra af sektinni. Skilorðið felst í því að annað eins gerist ekki aftur á næstu 12 mánuðum.

15.000 evrur af sektinni, rúmlega 1,8 milljónir, er hins vegar óafturkræf.

Eftirlitsdómarar kappakstursins segja að atvikið hafi verið mjög alvarlegt og hefði getað verið mjög hættulegt þar sem hjólið sleit sig frá bílnum á miklum hraða.

Ljóst þykir að festingar í hjóla- og fjöðrunarbúnaði hafi brugðist og því verði ekki skuldinni skellt á þjónustusveit Force India. Hafi hún fest dekkið réttilega við bílinn en síðan hafi festingar í búnaði er halda felgunni á sínum stað brugðist. Hafi hvorki liðið né ökumaður fengið neina vísbendingu frá vélbúnaði og skynjurum hvert stefndi. Af þeim sökum var sektin skilorðsbundin að verulegum hluta og Perez sleppt við afturfærslu á rásmarki.

Tengdar fréttir

Formúla-1/Force India

McLaren frumsýnir Mercedesbanann

• Vettel semur við Aston Martin
• „Bleiki Mercedes“ ólöglega gerður
• Aston Martin af einu liði á annað
• Perez framlengir um þrjú ár

» Fleiri tengdar fréttir

• Blogga um frétt