Fernando Alonso segist gera „allt sem mögulegt er“ á þeim bíl sem hann hefur í höndunum en tímatakan í dag var sú versta sem McLarenliðið upplifir á árinu. Voru báðir ökumennirnir slegnir út í fyrstu lotu.

Er þetta í fyrsta sinn á árinu sem Alonso nær ekki í aðra lotu tímatöku, en fyrir viku fagnaði hann sigri í sólarhringskappakstrinum í Le Mans í Frakklandi á Toyotabíl.

Varð hann í aðeins 16. sæti í tímatökunni í Le Castellet í Suður-Frakklandi í og liðsfélaginn  Stoffel Vandoorne tveimur sætum aftar, því 18.

„Ég reyni allt sem ég get og held að ég sé eini ökumaðurinn sem hefur 8:0 gegn meistaranum í GP3, GP2 og öllum flokkunum sem hann keppti í,“ segir Alonso og á þar við að hann hafi í öllum tímatökum ársins verið framar liðsfélaga sínum, Vandoorne.  

„Svona er formúla-1, þú þarft rétta pakkann á réttum stað. Síðustu mót hafa ekki lagst fyrir okkur en þrátt fyrir allar hörmungarnar erum við í sjöunda sæti í titilkeppninni svo eitthvað erum við að gera rétt,“ bætir hann við.

Tengdar fréttir

Formúla-1/McLaren

Ricciardo til McLaren

• Sainz í stað Vettels
• Honda hindrar Alonso
• Grunnvandi McLaren úr sögunni
• Häkkinen snýr aftur

» Fleiri tengdar fréttir

• Blogga um frétt