„Bull“ að Wolff hringi í Verstappen
Setja bókamerki
Fregnir hafa farið af því að Mercedesstjórinn Toto Wolff hafi „ítrekað“ átt í samskiptum við Max Verstappen hjá Red Bull og reynt að tala hann á sitt band.
Einn æðsti stjórnandi Red Bull, Helmut Marko, hélt þessu fram í samtali við tímaritið Auto Bild. „Toto Wolff hringir ítrekað í hann og pabba hans og hefur gert það mánuðum saman.
Ég held samt ró minni, árangursákvæði í samningi Max ættu að duga og honum líður vel hjá okkur. Getum við lagt honum til bíl er duga ætti í titilslag hef ég engar áhyggjur.“
Jos Verstappen ber þetta til baka og segir að Toto Wolff hafi aldrei hringt í son sinn. Í samtali við dagblaðið De Telegraaf segir Verstappen eldri: „Þetta er þvaður. Toto hefur aldrei hringt í Max. Ég held hann hafi ekki einu sinni símanúmerið. Ég tala stundum við Toto, það er allt of sumt. Við erum mjög ánægðir hjá Red Bull og samstarfið við Honda. Saman vinnum við að því að láta drauma rætast.“
Lítil snjóflóð fallið og vegum lokað á Vestfjörðum
Veðurspáin mjög slæm: Ökumenn fari varlega
Fyrsti ríkisstjórnarfundurinn hafinn
„Hagræðingarmál eru í fyrsta sæti“
JBT Marel muni einblína á tekjusamlegð
Máttu ekki auglýsa „mesta úrvalið“ og „besta verðið“
Hvetja fólk til að huga að niðurföllum