Ræða forráðamenn eigendafélags formúlunnar þessar vikurnar um byltingakenndar breytingar á móts- og keppnishaldinu frá og með árinu 2021. Brawn segir að formúlan eigi nú möguleika á að móta íþróttinni nýja framtíð, íþrótt sem eigi sér fáa keppinauta hvað varðar sjónarspil og hnattrænt fylgi.  

„Við viljum auka enn frekar á skemmtunina sem formúla-1 býður upp á og keppnina ófyrirsjáanlegri. Einnig að íþróttin verði fjárhagslega og vistrænt sjálfbær. Við vitum það öll sem unnum þessa íþrótt að veröldin breytist hratt og við viljum að næstu kynslóðir formúlunnar haldi í við breytingarnar,“ segir Brawn.