Ferr­ari­stjór­inn Mattio Binotto vís­ar því á bug að liðsfyr­ir­mæl­um hafi verið beitt í fyrstu mót­un­um til að styrkja stöðu Sebastians Vettels og veita hon­um for­skot á Char­les Leclerc.

Binotto kveðst hafa samúð með Leclerc en hann hef­ur þurft að sæta liðsfyr­ir­mæl­um í öll­um þrem­ur fyrstu mót­un­um.  Þykir það í hróp­legu ósam­ræmi við yf­ir­lýs­ing­ar dag­ana fyr­ir fyrsta mót árs­ins, í Mel­bour­ne, að þeim Vettel og Leclerc „yrði frjálst“ að keppa inn­byrðis í mót­um.

Í Kínakapp­akstr­in­um um nýliðna helgi vann Leclerc sig fram úr Vettel á fyrstu metr­un­um en var síðan gert að hleypa hon­um fram úr svo hann gæti haldið til rimmu við öku­menn Mercedes sem þá voru í fyrstu tveim­ur sæt­un­um.

Vettel reynd­ist ókleift að nálg­ast silfurörv­arn­ar og allt varð þetta til þess eins að Max Verstapp­en á Red Bull dró Leclerc uppi og vann sig fram úr hon­um að lok­um.

Í tal­stöðinni lýsti Leclerc and­stöðu sinni við liðsfyr­ir­mæl­in og Binotto kvaðst skilja kvört­un hans. Bar þó á móti því að fyr­ir­mæl­in væru til marks um ójafna stöðu öku­mann­anna hjá Ferr­ari.

Tengd­ar frétt­ir

Formúla-1/​Ferr­ari

Ferr­ari hef­ur lært lex­íu

• Vettel á því að geta landað titli
• Vettel sem­ur við Ast­on Mart­in
• Bít­ast um Vettel
• Arftaki Binotto sagður fund­inn

» Fleiri tengd­ar frétt­ir

• Blogga um frétt