Æfingu hætt vegna brunnloks
Setja bókamerki
Fyrstu æfingu kappaksturshelgarinnar í Bakú í Azerbajdzhan var aflýst eftir aðeins nokkrar mínútur. Losnaði brunnlok úr brautinni og stórskemmdi Williamsbíl George Russell.
Botn Williamsbílsins er sagður ónýtur eftir óhappið en liðsstjóri Williams, Claire Williams, sagði það engan veginn ásættanlegt að lok á afrennslisrásum brautarinnar skuli losna og sogast upp í bílana.
Eftirlitsmenn kappakstursins áttu ekki annarra kosta völ en aflýsa æfingunni og leggjast í ítarlega brautarskoðun til að ganga úr skugga um hvort hætta sé á fleiri tilvikum sem þessum annars staðar í brautinni.
Lokið umrædda sogaðist upp úr brautinni er Charles Leclerc á Ferrari ók yfir það milli beygju tvö og þrjú. Russell kom rétt á eftir honum og komst ekki hjá því að aka yfir lokið.
Það bætti svo ekki úr skák fyrir Williams er krani vörubíls sem sendur var eftir keppnisfáknum rakst í brú á bakaleiðinni með þeim afleiðingum að olía sprautaðist yfir Williamsbílinn.
Einungis ökumenn Ferrari höfðu sett brautartíma er æfingunni var aflýst. Ók Charles Leclerc ögn hraðar en Sebastian Vettel.
Í Malasíu árið 2017 varð álíka atvik er laust brunnlok sendi bíl Romain Grosjean á öryggisvegg á mikilli ferð. Var Haas-liðinu bættur bíllinn
Hluti bílastæðis undir hraun: Ómögulegt að meta tjón
Drónamyndskeið frá hápunkti gossins í nótt
Litlar líkur á að hraunið nái til mannvirkja
„Má segja að þetta gos hafi þjófstartað“
Hótar Bretum og Bandaríkjamönnum
Mjög alvarlegt ef Njarðvíkuræð gefur sig
/frimg/1/53/7/1530787.jpg)
Flogið á milli ljósaskipta
Líklega komin á seinni hluta hrinunnar í Svartsengi