Charles Leclerc sneri taflinu við og settist í efsta sæti lista yfir hröðustu hringi seinni æfingarinnar í Hockenheim. Hafði hann sætaskipti við liðsfélaga sinn Sebastian Vettel sem ók hraðast á morgunæfingunni.

Aðeins munaði 0,124 sekúndum á Leclerc og Vettel og sem fyrr í dag varð Lewis Hamilton á Mercedes þriðji, með aðeins 22 þúsundustu úr sekúndu lakari tíma en Vettel.

Fjórða besta tímann átti svo Valtteri Bottas á Mercedes, en hann var hálfri sekúndu lengur í ferðum en Hamilton.

Á fyrrnefndum lista urðu í sætum fjögur til tíu - í þessari röð - Max Verstappen á Red Bull, Romaine Grosjean á Haas, Lance Stroll á Racing Point, Kimi  Räikkönen á Alfa Romeo, Nico Hülkenberg á Renault og Sergio Perez á Racing Point.

Aðeins munaði sekúndu á tímum fyrsta og tíunda manns.

Pierre Gasly á Red Bull átti ekki auðvelda æfingu en henni lauk á öryggisvegg við lokabeygju hringsins. Reif hann hægri hlið bílsins af við skellinn.

Tengdar fréttir

Formúla-1/bílprófanir

Ökumenn Red Bull á toppnum

• Segja bíl Red Bull fljótari en Mercedes
• Verstappen tók toppsætið
• Mikill munur á Bottas og Hamilton
• Ricciardo fljótastur

» Fleiri tengdar fréttir

• Blogga um frétt