Lewis Hamilton skýrði frá því eftir tímatökuna í Hockenheim í dag að Mercedesliðið hafi verið reiðubúið að fela öðrum ökumanni að fara í tímatökuna á bíl hans. Ástæðan var sú að hann veiktist og leið illa í morgun.

Hamilton segist hafa verið með hálsbólgu er dró nær æfingunni í morgun. Setti liðið í gang ferli sem gekk út á að búa annan ökumann undir að taka við af Hamilton. Líklega er þar átt við þriðja ökumann liðsins, Frakkann Esteban Ocon.

Ekki háðu veikindin Hamilton mjög því hjann vann ráspólinn og var þremur tíundu úr sekúndu á undan næsta manni, Max Verstappen á Red Bull, og liðsfélagi hans Valtteri Bottas varð þriðji.

„Mér leið ekki vel í morgun, var með hálsbólgu og því gerðum við ráðstafanir til öryggis ef ég gæti ekki ekið. Ég hóf æfinguna en til öryggis var allt klárt til að annar tæki við ef allt færi á versta veg,“ sagði Hamilton. Hann bætti því við að tímatakan hafi verið léttari en ella vegna brottfalls beggja bíla Ferrari. 

Því er fagnað í Hockenheim um helgina að akstursíþróttir hafa verið stundaðar í 125 ár. Ennfremur fagnar Mercedes þar sínu 200. móti í formúlu-1.

Tengdar fréttir

Formúla-1/Mercedes

Hamilton framlengir

• Einbeita sér að því að auka aflið
• Mercedes ræður Bottas út 2020
• Hamilton færður aftur
• Tvöfaldur sigur ekki það eðlilega

» Fleiri tengdar fréttir

• Blogga um frétt