Íþróttir | Formúla 1 | mbl | 29.8.2019 | 19:15 | Uppfært 30.8.2019 7:20

Mercedes ræður Bottas út 2020

Valtteri Bottas á blaðamannafundi í Spa-Francorchamps í Belgíu í dag. AFP

Valtteri Bottas keppir áfram fyrir Mercedes á næsta ári, 2020, að því er staðfest var í dag. Lýkur þar með vangaveltum um framtíð finnska ökumannsins.

Frá því Bottas hóf keppni með Mercedes 2017 hefur hann unnið kappakstur fimm sinnum. Í ár er hann í öðru sæti í stigakeppninni um heimsmeistaratitil ökumanna. Aðeins liðsfélagi hans, Lewis Hamitlon, hefur ekið til fleiri stiga.

„Ég er bæði ánægður og stoltur með að ganga til fjórðu keppnistíðarinnar sem ökumaður liðsins og þakka bæði hverjum og einasta liðsmanni, svo og stjórn liðsins, fyrir það traust sem mér er sýnt með áframhaldsráðningunni,“ sagði Bottas í dag.

Hann bætti því við að megin markmiðið væri að vinna heimsmeistaratitil ökumanna og best væri að reyna landa honum á næsta ári sem liðsmaður Mercedes.

Liðsstjórinn Toto Wolff vera að aka betur í ár en hin fyrri. „En hann er soltinn í enn betri árangur og staðfastur í þeim ásetningi sínum að bæta sig enn frekar.“