Fyrrverandi formúlu-1 kappinn  Jean Alesi segist á því að ungi ökumaðurinn Charles Leclerc verði heimsmeistari ökumanna í formúlunni innan nokkurra ára.

Leclerc hóf keppni í formúlu-1 í hitteðfyrra, með Sauber. Ferrari kallaði þennan skjólstæðing sinn svo til starfa fyrir 2019-vertíðina.  

Þar keppti hann við Sebastian Vettel sem á sínum tíma varð heimsmeistari ökumanna fjórum sinnum. Hvað eftir annað hafði Leclerc betur í innbyrðis viðureign þeirra.  Stóð hann uppi stigahærri þegar vertíðinni lauk.  

Vertíðin var annars full vonbrigða fyrir Ferrariliðið. Í stað þess að keppa við Mercedes um æðstu metorð formúlunnar vann hið fornfræga lið aðeins þrjú mót 2019, öll á seinni helmingi keppnistíðarinnar.
 
Tvo af sigrinum þremur vann Leclerc en einnig vann hann ráspól sjö móta, eða fleir en nokkur annar ökumaður afrekarði 2019. „Tvímælalaust verður hann heimsmeistari ökumanna bráðlega. Hann er hálfgert undur að getu,“ sagði Alesi við ítölsku útvarpsstöðina Rai Radio 2.

Tengdar fréttir

Formúla-1/Ferrari

Ferrari hefur lært lexíu

• Vettel á því að geta landað titli
• Vettel semur við Aston Martin
• Bítast um Vettel
• Arftaki Binotto sagður fundinn

» Fleiri tengdar fréttir

• Blogga um frétt