Lewis Hamilton og Valtteri Bottas hjá Mercedes háðu hörku klukkustundar rimmu um ráspól portúgalska kappakstursins en tímatökunni var að ljúka.

Ráspóllinn er sá níundi á árinu hjá Hamilton en sjaldan hefur hann þurft að hafa jafn mikið fyrir honum og nú. Skiptust þeir Bottas á um að verma efsta sætið í hverri aksturslotu. Varð finnska ökumanninum ekki að þeirri ósk sinni að hampa ráspólnum eftir að hafa ekið hraðast á æfingum gærdagsins og í morgun.

Þriðja besta tímanum náði Max Verstappen á Red Bull en hann komst stundum upp á milli ökumanna Mercedes meðan á sex aksturslotum tímatökunnar stóð. 

Það dróst um hálfa klukkustund að koma æfingunni í gang eftir að í ljós kom að ristargrind  á niðurfalli var laus og þarfnaðist viðgerðar til að valda ekki hættu.

Fyrir utan þriggja þeirra fyrstu varð röð ökumanna frá fjórða sæti til  þess tíunda sem hér segir: Charles Leclerc á Ferrari, Sergio Perez á Racing Point, Alex Albon á Red Bull, Carlos Sainz á McLaren, Lando Norris á McLaren, Pierre Gasly á AlphaTauri og Daniel Ricciardo á Renault.

Tengdar fréttir

Formúla-1/Keppnin um ráspólinn

Verstappen vann sprettinn

• Verstappen tók franska pólinn
• Leclerc aftur á ráspól
• Klessti sig á ráspólinn
• Bottas naumlega á ráspól

» Fleiri tengdar fréttir

• Blogga um frétt