Max Verstappen á Red Bull hafði ótrúlega mikla yfirburði á Lewis Hamilton á Mercedes á þriðju ogsíðustu æfingu keppnishelgarinnar í Barein, en þar fer fyrsta mót ársins í formúlu-1 fram á morgun.

Verstappen varð 0,739 sekúndum fljótari en Hamilton og í þriðja sæti varð svo Pierre gGasly á AlphaTauri sekúndu á eftir Verstappen. Gasly og liðfsfélagi hans, Yuki Tsunoda, hafa látið til sín taka á æfingunum þremur í dag og í gær.

Valtteri Bottas á Mercedes átti í miklum erfiðleikum með að halda sig á brautinni í tveimur beygjum en náði þó fjórða sæti, varð næstur á undan Sergio Peres á Red Bull, Carlos Sainz á Ferrari,  Kimi Räikkönen á Alfa Romeo, Esteban Ocon á Alpine, Lance Stroll á Aston Martine og Daniel Ricciardo á McLaren.

Tímataka kappakstursins í Barein fer fram síðar í dag.