Ísland fékk á sig sigurmark í uppbótartíma

Íslenska U21 árs landsliðið í fót­bolta tapaði í kvöld, 1:2, gegn Aser­baíd­sj­an í undan­keppni EM 2013. Björn Berg­mann Sig­urðar­son skoraði mark Íslands.

Ísland var mun sterk­ari aðil­inn í fyrri hálfleik og komst verðskuldað yfir eft­ir tutt­ugu mín­útna leik.

Krist­inn Stein­dórs­son átti þá lag­lega auka­spyrnu inn á teig Asera sem Björn Berg­mann Sig­urðar­son skallaði snyrti­lega í netið.

Aser­ar fengu víta­spyrnu sömmu síðar en Árni Snær Ólafs­son gerði sér lítið fyr­ir og varði hana glæsi­lega.

Í seinni hálfleik tóku gest­irn­ir völd­in en sköpuðu sér fá færi. Þeir þrumuðu bolt­an­um á markið sama hvar þeir voru á vell­in­um en vana­lega fóru skot­in hátt yfir eða langt fram­hjá.

Því miður endaði svo eitt skot Asera í net­inu en þeir jöfnuðu met­in á 77. mín­útu nán­ast upp úr engu.

Það var svo í upp­bót­ar­tíma sem gest­irn­ir tryggðu sér sig­ur­inn eft­ir varn­ar­mis­tök hjá Íslandi. Afar svekkj­andi úr­slit.

Ísland er áfram á botni riðils­ins með þrjú stig en Aser­ar hafa sjö stig.

Lið Ísland: Árni Snær Ólafs­son, Hauk­ur Heiðar Hauks­son, Hólm­ar Örn Eyj­ólfs­son, Hörður Björg­vin Magnús­son, Krist­inn Jóns­son, Jón Daði Böðvars­son, Finn­ur Orri Mar­geirs­son, Björn Daní­el Sverris­son, Krist­inn Stein­dórs­son, Aron Jó­hanns­son, Björn Berg­mann Sig­urðar­son.
Vara­menn: Arn­ar Darri Pét­urs­son, Jó­hann Lax­dal, Guðlaug­ur Victor Páls­son, Rún­ar Már S. Sig­ur­jóns­son, Þor­steinn Már Ragn­ars­son, Ein­ar Logi Ein­ars­son, Eiður Aron Sig­ur­björns­son.

Lið Aser­baíd­sj­an: Osm­an Umar­ov, Gara Garayev, Tar­l­an Guliyev, Mir­hus­eyn Seyidov, Araz Abdullayev, Ork­h­an Kasanov, Ali Gok­dem­ir, Badav Gus­eynov, Rusl­an Tag­hiza­de, Javic Ima­mver­d­iyev, Abdulla Abasiyev.
Vara­menn: Tural Abbasza­de, El­vin Yun­usza­de, Movr­uz Mamma­dov, Emin Mu­stafayev, Rusl­an Gur­banov, Eln­ur Abdu­lov, Tural Is­g­and­arov.

Ísland U21	1:2	Aser­baíd­sj­an U21	Opna lýs­ingu Loka
90. mín. Ca­vid Ima­mver­d­iyev (Aser­baíd­sj­an U21) skor­ar +2.
Björn Bergmann Sigurðarson (20. mín.) Mörk Araz Abdullayev (77. mín.) Cavid Imamverdiyev (90. mín.) Kristinn Steindórsson (25. mín.) Hólmar Örn Eyjólfsson (40. mín.) Björn Bergmann Sigurðarson (83. mín.) Spjöld Ruslan Taghizade (48. mín.) Abdulla Abasiyev (75. mín.) mín. 90 Leik lokið +4. 90 MARK! Cavid Imamverdiyev (Aserbaídsjan U21) skorar +2. 83 Björn Bergmann Sigurðarson (Ísland U21) fær gult spjald Fyrir brot. 82 Ísland á að fá víti. Þorsteinn felldur aftan frá í teignum en færeyski dómarinn segir að Aserinn hafi náð boltanum. 82 Aserbaídsjan U21 fær hornspyrnu Íslenska vörnin galopin núna. Hörður bjargar glæsilega í horn. 77 MARK! Araz Abdullayev (Aserbaídsjan U21) skorar Upp úr engu fer eitt af fjölmörgum skotum Asera fyrir utan teig í netið. Afar svekkjandi. 75 Abdulla Abasiyev (Aserbaídsjan U21) fær gult spjald Fyrir brot á Þorsteini. 74 Rúnar Már S. Sigurjónsson (Ísland U21) kemur inn á 74 Kristinn Steindórsson (Ísland U21) fer af velli 73 Aron Jóhannsson (Ísland U21) á skalla sem er varinn Björn Bergmann með enn eina snilldartaktana. Kemur boltanum fyrir á Aron sem er í dauðafæri en lætur verja frá sér. 73 Abdulla Abasiyev (Aserbaídsjan U21) á skot framhjá 71 Orkhan Hasanov (Aserbaídsjan U21) á skalla sem er varinn Skalli af löngu færi. Aserar þruma á markið þegar þeir sjá það. 71 Tural Isgandarov (Aserbaídsjan U21) kemur inn á 71 Ruslan Taghizade (Aserbaídsjan U21) fer af velli 70 Araz Abdullayev (Aserbaídsjan U21) á skot sem er varið Skot sem hrekkur af varnarmanni en Árni er traustur í markinu. 70 Aron Jóhannsson (Ísland U21) á skot sem er varið Laflaust. 69 Rúnar Már S. Sigurjónsson (Ísland U21) kemur inn á 69 Jón Daði Böðvarsson (Ísland U21) fer af velli 68 Orkhan Hasanov (Aserbaídsjan U21) á skot sem er varið Fíflar Hauk Heiðar upp úr skónum og nær skoti á markið sem Árni ver vel. 67 Aron Jóhannsson (Ísland U21) á skot framhjá Reynir að vippa yfir markvörðinn af 25 metra færi. 63 Orkhan Hasanov (Aserbaídsjan U21) á skot framhjá Viðstöðulaust skot í teignum hátt yfir. Aserar færast þó nær. 62 Ísland U21 fær hornspyrnu Hörður Björgvin skallar glæsilega í horn annars hefði Aserbaídjan skorað. 62 Mirhüseyin Seyidov (Aserbaídsjan U21) á skot framhjá Þetta er ekki fyrsta skot þessa ágæta pilts sem fer svona 30 metra framhjá. 60 Ísland er komið meira inn í leikinn aftur. Ekki síst vegna frammistöðu Björns Bergmanns sem á ansi auðvelt með að komast framhjá varnarmönnum Asera. Nú þarf bara nýta þetta og skora annað mark. 54 Mirhüseyin Seyidov (Aserbaídsjan U21) á skot sem er varið Aukaspyrna af 30 metra færi. Árni ver auðveldlega. 50 Aserarnir byrja mun betur í seinni hálfleik. Íslenska liðið vart farið yfir miðju. 50 Novruz Mammadov (Aserbaídsjan U21) á skot framhjá Langt yfir. 48 Ruslan Taghizade (Aserbaídsjan U21) fær gult spjald Fyrir brot á Kristni Jónssyni. 47 Araz Abdullayev (Aserbaídsjan U21) á skot framhjá 46 Leikur hafinn 46 Novruz Mammadov (Aserbaídsjan U21) kemur inn á 46 Ali Gokdemir (Aserbaídsjan U21) fer af velli 45 Hálfleikur +2. Ísland leiðir sanngjarnt í hálfleik. Leikur liðsins hefur verið mjög góður. 45 Ísland U21 fær hornspyrnu +1. 45 Það verða 2 mínútur í uppbótartíma. 41 Ali Gokdemir (Aserbaídsjan U21) á skot framhjá Föst aukaspyrna. Engin hætta. 40 Hólmar Örn Eyjólfsson (Ísland U21) fær gult spjald Mjög fagmannlega brotið hjá Hólmari. Einn Aserinn að sleppa í gegn eftir mistök Harðar Björgvins. 39 Hólmar Örn Eyjólfsson (Ísland U21) á skalla sem fer framhjá Eftir aukaspyrnu frá hægri. 37 Orkhan Hasanov (Aserbaídsjan U21) á skot sem er varið Úr þröngu færi. Árni ekki í vandræðum með skotið. 34 Björn Bergmann Sigurðarson (Ísland U21) á skot framhjá Enn ein snilldartilþrifin hjá Birni. Sólar varnarmenn Asera upp úr skónum og nær skoti en framhjá. 33 Mirhüseyin Seyidov (Aserbaídsjan U21) á skot framhjá Næstum því í innkast. 32 Ísland er sterkari aðilinn í þessum leik. Hefði Aserinn skorað úr vítinu áðan hefði það verið gegn gangi leiksins. Aserarnir eru samt með fínt lið. 25 Mirhüseyin Seyidov (Aserbaídsjan U21) skorar ekki úr víti Árni ver meistaralega. 25 Kristinn Steindórsson (Ísland U21) fær gult spjald Fyrir brotið. 25 Aserbaídsjan U21 fær víti Klaufalegt brot. 24 Aserbaídsjan U21 fær hornspyrnu 22 Araz Abdullayev (Aserbaídsjan U21) á skot framhjá Langt yfir. 22 Ali Gokdemir (Aserbaídsjan U21) á skot sem er varið Árni ver auðveldlega. 20 MARK! Björn Bergmann Sigurðarson (Ísland U21) skorar Staðan er 1:0. Kristinn Steindórsson með góða aukaspyrnu inn á teiginn og Björn sneiðir boltann með höfðinu í fjærhornið. 19 Aserarnir eru líkamlega sterkari en íslenska liðið er að spila vel og stjórnar leiknum þessar mínúturnar. 12 Gara Garayev (Aserbaídsjan U21) á skot sem er varið Langskot sem Árni ver auðveldlega. 10 Aron Jóhannsson (Ísland U21) á skot framhjá Aron aftur í færi eftir fyrirgjöf frá hægri en skotið rétt framhjá. 9 Ísland U21 fær hornspyrnu 8 Dauðafæri. Kristinn Steindórsson gefur fyrir markið og markvörður Asera missir boltann yfir sig. Aron Jóhannsson nær aftur á móti ekki að skalla boltann í tómt netið. 7 Stuart Pearce, landsliðsþjálfari U21 árs liðs Englands, er í stúkunni hér á KR-vellinum. England er með þessum liðum í riðli. 2 Aron Jóhannsson (Ísland U21) á skot sem er varið Glæsileg skyndisókn Íslands sem Jón Daði hefur við vítateig okkar. Endar með skoti frá Aroni hinum meginn sem markvörður Asera ver. Mjög gott færi. 1 Leikur hafinn Áfram Ísland! 0 Liðin eru að ganga út á völlinn. Nú taka formlegheitin svo getum við farið að byrjað þetta. 0 Vallarþulurinn hefur miklar áhyggjur af þjóðsöng Asera sem er skráður 2 mínútúr og 18 sekúndur. Afar strangt plan FIFA fyrir leikinn gerir aðeins ráð fyrir einni mínútu. 0 Liðin eru komin út á völlinn og byrjuð að hita upp. Það eru dómarar leiksins líka en Færeyingarnir eru einstaklega hressir. Þeir veifa til blaðamanna í hvert skipti sem þeir koma skokkandi yfir völlinn. 0 Það verður ekki síður spennandi að sjá Hörð Björgvin Magnússon sem hefur verið að gera góða hluti með varaliði Juventus á Ítalíu. Hann verður í miðverðinum ásamt Hólmari Erni í dag. Ætti að heita ansi gott miðvarðarpar. 0 Það verður gríðarlega spennandi að sjá framherjapar Íslands í kvöld. Bæði Aron Jóhannsson og Björn Bergmann eru að fara á kostum með liðum sínum, AGF og Lilleström, og hafa skorað mikið undanfarið. Nokkrar vikur eru þó síðan Aron fór í frí. 0 Fimm leikmenn í byrjunarliði Íslands eru atvinnumenn. Hólmar Örn, Hörður Björgvin, Kristinn Steindórsson, Aron Jóhannsson og Björn Bergmann. Á bekknum er svo einn atvinnumaður til viðbótar, Guðlaugur Victor Pálsson, sem spilar með NY Red Bulls í bandarísku MLS-deildinni. 0 Annars eru markvarðarmál íslenska liðsins ekkert stórbrotin. Allir þrír markverðirnir eru varamenn hjá sínum liðum. Arnar Darri hjá Stjörnunni, Ásgeir Þór hjá Val og Árni Snær sem byrjar leikinn er varamarkvörður ÍA. Árni kom sér þó í fréttirnar um daginn þegar hann varði vítaspyrnu gegn Fylki eftir að hafa komið inn á sem varamaður. 0 Byrjunarliðin eru komin inn. Það hefur verið gerð ein breyting frá upprunalega hópnum. Arnar Darri Pétursson tekur sér sæti á varamannabekknum í stað Ásgeirs Þórs Magnússonar sem hefur helst úr lestinni. 0 Þegar Aserar lögðu Íslendinga 1:0 í Bakú á hlaupársdag, 29. febrúar, skoraði Ali Gokdemir sigurmark þeirra á 41. mínútu. Ísland fékk góð færi í leiknum, Dofri Snorrason og Jón Daði Böðvarsson voru rétt búnir að skora í fyrri hálfleik og Björn Daníel Sverrisson átti stangarskot seint í leiknum. 0 England er með 15 stig í riðlinum, Noregur 10, Belgía 8, Aserbaídsjan 4 og Ísland 3 stig. Íslenska liðið á enn örlitla von um að ná öðru sætinu með því að vinna alla þrjá leikina sem eftir eru, gegn Aserum í kvöld, Norðmönnum í Drammen næsta þriðjudag og Belgum á útivelli 10. september, en það er ansi langsóttur möguleiki. 0 Aserbaídsjan er með 4 stig eftir 6 leiki í riðlinum. Aserar töpuðu fyrst 0:6 í Englandi og 1:4 í Belgíu, síðan 0:2 heima gegn Noregi en gerðu svo 2:2 jafntefli við Belga. Þeir lögðu Ísland 1:0 í Bakú í lok febrúar og töpuðu loks 1:0 fyrir Norðmönnum í Drammen síðasta föstudag. 0 Ísland er með 3 stig í neðsta sæti 8. riðils eftir að hafa spilað fimm leiki af átta. Íslensku strákarnir unnu Belga 2:1 í fyrsta leik þar sem Björn Bergmann Sigurðarson skoraði bæði mörkin. Þeir töpuðu síðan 0:2 fyrir Noregi á Kópavogsvelli, 0:3 fyrir Englandi á Laugardalsvelli, 0:5 fyrir Englandi í Colchester og 0:1 fyrir Aserbaídsjan þegar liðin mættusts í Bakú 29. febrúar. Sjá meira Sjá allt Ísland U21: (M), . Varamenn: (M), . Aserbaídsjan U21: (M), . Varamenn: (M), . Skot: Aserbaídsjan U21 17 (9) - Ísland U21 8 (4) Horn: Ísland U21 3 - Aserbaídsjan U21 2. Lýsandi: Völlur: KR-völlur Áhorfendafjöldi: 305 Leikur hefst 5. júní 2012 19:15 Aðstæður: 12 gráðu hiti, gola, þungskýjað og völlurinn góður. Dómari: Petur Reinert frá Færeyjum Aðstoðardómarar: Jens Albert Simonsen og Jan A Lidarenda

• 1 blogg um frétt­ina

Bloggað um frétt­ina

• Torfi Kristján Stef­áns­son: Hringl með liðið!