Josip Simunic, einn reynslu­mesti leikmaður króa­tíska landsliðsins í knatt­spyrnu, gæti átt yfir höfði sér refs­ingu eft­ir að hafa látið stuðnings­menn kyrja með sér þekkta kveðju fas­ista­hreyf­ing­ar eft­ir sig­ur­inn á Íslandi í gær­kvöld.

Simunic fór til stuðnings­manna og kyrjaði „za dom!“ sem þýðir „fyr­ir ætt­jörðina!“. Stuðnings­menn­irn­ir svöruðu með orðunum „spremni!“ sem þýða mætti sem „fram í rauðan dauðann“. Þessa kveðju notuðu meðlim­ir fas­ista­hreyf­ing­ar­inn­ar Usta­se í seinni heims­styrj­öld­inni.

Króa­tíska knatt­spyrnu­sam­bandið hef­ur þurft að greiða sinn skerf af sekt­um vegna söngva á borð við þenn­an en fá­heyrt er að leik­menn taki þátt eða eigi frum­kvæðið að slíku.

„Ég er ekki hrædd­ur við refs­ingu. Menn ættu að lesa sög­una bet­ur. Ég gerði ekk­ert rangt. Ég styð og elska Króa­tíu, landið okk­ar, og ef það trufl­ar ein­hvern þá er það ekki mitt vanda­mál. Ég hef alltaf viljað gera þetta og hef ekki mik­inn tíma til viðbót­ar. Núna var tæki­færi fannst mér og ég er ánægður með að stuðnings­menn­irn­ir skyldu taka þátt,“ sagði Simunic.

Zelj­ko Jovanovic, ráðherra íþrótta- og menn­ing­ar­mála í Króa­tíu, hef­ur boðist til að veita Simunic sögu­kennslu og tel­ur ekki vanþörf á.

Tengd­ar frétt­ir

Ísland-Króatía

Tutt­ugu þúsund þakka Eiði

• Fas­ista­fögnuður Simunic - Mynd­band
• Lag­er­bäck sá besti sem ekki fer á HM
• „Leik­ur­inn fer eitt-eitt!“
• Kovacic: Eig­um all­ir skilið bjór frá Íslandi

» Fleiri tengd­ar frétt­ir

• Blogga um frétt