Franski landsliðsmaðurinn Karim Benzema leikmaður spænska stórliðsins Real Madrid var handtekinn í morgun að því er AFP fréttastofan greinir frá.
Benzema er sakaður um fjárkúgun tengdu kynlífmyndbandi af franska landsliðsmanninum Mathieu Valbuena. Benzema var færður á lögreglustöð í Versailles nálægt París og er þar í gæsluvarðhaldi.
Í síðasta mánuði var Djibril Cissé, fyrrum leikmaður Liverpool, handtekinn ásamt þremur öðrum í tenglsum við ásakanir Mathieu Valbuena um að fjórmenningarnir myndu birta kynlífsmyndband með landsliðsmanninum. Fjórmenningarnir ætluðu að nota myndbandið gegn Valbuena og hótuðu að birta það myndi kappinn ekki borga þeim ákveðið lausnargjald.
Cissé hótaði að birta kynlífmyndband