Siðanefnd FIFA, Alþjóða knattspyrnusambandsins, framlengdi í morgun bann framkvæmastjóra sambandsins, Jeróme Valcke, frá afskiptum af knattspyrnu um 45 daga, eða til 20. febrúar.

Rannsóknarteymi siðanefndarinnar mælti í gær með því að Valcke yrði úrskurðaður í níu ára bann frá knattspyrnu vegna meintar spillingar og óskaði eftir því að þágildandi bann hans í 90 daga, sem rann út í gær, yrði framlengt um 45 daga.

Siðanefndin hefur þar með svigrúm til að afgreiða mál Frakkans endanlega en fyrir jólin úrskurðaði hún Sepp Blatter, forseta FIFA, og Michel Platini, forseta UEFA, báða í átta ára bann frá afskiptum af fótbolta. Þeir hafa báðir áfrýjað til CAS, Alþjóða íþróttadómstólsins.

Valcke er m.a. sakaður um að hafa hagnast ólöglega á sölu á miðum á heimsmeistaramót karla og um mútur. Hann neitar öllum ásökunum.

Tengdar fréttir

FIFA-hneyksli

Enn einn skandallinn hjá FIFA

• Mútur, veislur og nudd
• Hægri hönd Blatters áfrýjar 10 ára banni
• Formleg rannsókn hafin á Blatter
• Bannið yfir Platini mildað

» Fleiri tengdar fréttir

• Blogga um frétt