Marc Bartra, leikmaður Borussia Dortmund, er ekki alvarlega meiddur eftir sprengingarnar sem liðsrúta þýska knattspyrnufélagsins varð fyrir á leið sinni í leik gegn Mónakó í átta liða úrslitum Meistaradeildar Evrópu í kvöld. 

Bartra var fluttur á sjúkrahús eftir atvikið, en nú er komið í ljós að hann meiddist lítillega á hendi. Leiknum var frestað í kjölfar sprenginganna og fer hann fram kl. 16:45 á morgun. 

Frétt af mbl.is

Sprengjuárás á liðsrútu Dortmund

Danijel Subašić, markmaður Mónakó, hefur tjáð sig um atvikið. 

„Við vorum mættir á völlinn og vorum í öruggum höndum en þrátt fyrir það er tilfinningin ömurleg. Í staðinn fyrir að hlaupa inn á völlinn og spila í Meistaradeildinni sátum við þöglir í klefanum okkar,“ sagði hann. 

Uppfært kl 21:40.

Mark Bartra er á leiðinni í aðgerð þar sem hann er handarbrotinn. 

Tengdar fréttir

Sprengjuárás í Dortmund

Viðurkennir árás á rútu Dortmund

• Keppast um að lýsa ábyrgð á árás
• Áttaði mig á því hvað ég er heppinn
• Fótbolti ekki það mikilvægasta í heimi
• Merkel var skelfingu lostin

» Fleiri tengdar fréttir

• Blogga um frétt