Markmaðurinn Gianluigi Buffon hefur gengið til liðs við knattspyrnufélagið PSG í Frakklandi en hann var samningslaus eftir 17 ára veru hjá Juventus á ítalíu.
Buffon er 40 ára gamall og hafði spilað 656 leiki fyrir Juventus frá árinu 2001 en þar varð hann ítalskur meistari níu sinnum. Honum var boðið starf í þjálfarateymi Juventus en ákvað frekar að halda áfram að spila og róa á önnur mið.
Hann hefur spilað 176 leiki fyrir ítalska landsliðið en hann lagði landsliðshanskana á hilluna síðasta haust eftir tap gegn Svíum í umspili um laust sæti á HM í Rússlandi.
Samningur Buffon við frönsku meistarana er til eins árs með mögulegri framlengingu á auka ári. Hann hefur aldrei leikið utan Ítalíu en hann hóf ferilinn hjá Parma árið 1995.
Paris Saint-Germain are very happy to announce the arrival of @gianluigibuffon 🤴 💪 🧤 🇮🇹 #OneOfUs pic.twitter.com/8Ieq9eTPv1
— Paris Saint-Germain (@PSG_English) July 6, 2018