Hjörtur í Evrópudeildina

Hjörtur Hermannsson, landsliðsmaður í knattspyrnu, lagði sitt af mörkum til þess að tryggja liði sínu Bröndby sæti í Evrópudeildinni á næstu leiktíð. Liðið vann Randers 4:2 í úrslitaleik um Evrópusæti í dönsku úrvalsdeildinni í dag.

Hjörtur spilaði allan leikinn í vörn Bröndby, sem lenti þó 2:0 undir í leiknum. Hjörtur lagði upp markið sem markaði endurkomu Bröndby á 55. mínútu og eftir fylgdu þrjú mörk sem tryggðu Evrópusætið fyrir Bröndby.

Bröndby hafnaði í fjórða sæti dönsku úrvalsdeil­ar­inn­ar. Meist­ar­ar FC Kaup­manna­hafn­ar fara í Meist­ara­deild­ina og Midtjyl­l­and og Es­bjerg voru þegar búin að tryggja sér sæti í Evr­ópu­deild­inni. 

• Blogga um frétt