Fúlir Tyrkir herja á Íslendinga á netinu

Fúlir stuðningsmenn tyrkneska landsliðsins herja nú á KSÍ og Ísland í gegnum samfélagsmiðla og vanda þar Íslendingum ekki kveðjurnar með kostulegum skilaboðum.

Frétt af mbl.is

Tyrkir óhressir í Leifsstöð

Leikmenn Tyrklands voru óhressir með miklar tafir í Leifsstöð er þeir komu hingað til lands og lýstu þeir yfir óánægju sinni á samfélagsmiðlum. Það hefur kveikt í tyrkneskum knattspyrnuáhugamönnum heima fyrir sem láta nú undarlegar og skondnar kveðjur dynja á facebookvef KSÍ.

Mbl.is hefur tekið saman nokkrar af þessum kveðjum sem hafa að öllum líkindum verið settar í gegnum þýðingarforrit Google en þegar þessi frétt er skrifuð hafa nærri tvö þúsund athugasemdir verið gerðar við nýjustu færslu KSÍ.

„Þú skammarlega tíkur. Ég spýta á eyjunni þinni. Klósettið bursta í rassinn þinn,“ skrifar Hasan Fidan á facebookvegg Knattspyrnusambands Íslands en þar koma salernisburstar oft við sögu. „Við munu setja salerni bursta í þig,“ bætti Murat Kurt við.

„Börnin munu ræða við þig,“ bætti Taha Yuksel við og lét fylgja með blaktandi tyrkneskan fána en hundruð hafa gert slíkt hið sama. Þá býður Cihan Akkus Íslendingum í heimsókn til Tyrklands: „Komdu til Istanbúl og við munum gera endaþarmsstýringu með þér!“

• 1 blogg um fréttina

Bloggað um fréttina

• Jóhannes Ragnarsson: Arnfreður er ekki síðri heiðursmaður en Hasan Fidan og hans …