Fyrstu umferð í riðlakeppni Meistaradeild Evrópu í fótbolta er lokið. PSG gerði sér lítið fyrir og vann sannfærandi 3:0-sigur á heimavelli gegn sigursælasta liði keppninnar frá upphafi, Real Madrid. Ángel Di María skoraði tvisvar fyrir PSG í fyrri hálfleik og Thomas Meunier bætti við marki í uppbótartíma.
Það stefndi allt í góðan útisigur Cristiano Ronaldo og félaga í Juventus gegn Atlético Madríd. Juan Cuadrado og Blaise Matuidi komu Junventus yfir í seinni hálfleik en Stefan Savic og Héctor Herrera jöfnuðu fyrir Atlético. Jöfnunarmark Herrera kom á lokamínútunni.
Englandsmeistarar Manchester City gerðu góða ferð til Úkraínu og unnu sannfærandi 3:0-sigur á Shakhtar Donetsk. Riyad Mahrez og Ilkay Gundogan komu City í 2:0 í fyrri hálfleik og Gabriel Jesus gulltryggði öruggan sigur í seinni hálfleik.
Bayern München vann öruggan 3:0-sigur á Rauðu stjörnunni frá Belgrad á heimavelli. Kingsley Coman, Robert Lewandowski og Thomas Müller skoruðu mörk Bayern.
Úrslitin úr leikjum dagsins í Meistaradeild Evrópu:
Atlético Madríd - Juventus 2:2
Savic 70., Herrera 90. -- Cuadrado 48., Matuidi 65.
Bayer Leverkusen - Lokomotiv Moskva 1:2
Sjálfsmark 25. -- Krychowiak 16., Barinov 37.
Bayern München - Rauða stjarnan 3:0
Coman 34., Lewandowski 80., Müller 90.
Dinamo Zagreb - Atalanta 4:0
Leovac 10., Orsic 32., 42., 68.
PSG - Real Madríd 3:0
Di María 14., 33., Meunier 90.
Shakhtar Donetsk - Manchester City 0:3
Mahrez 24., Gundogan 38., Jesus 76.
Club Brugge - Galatasaray 0:0
Olympiacos - Tottenham 2:2
Podence 43., Valbuena 54. víti -- Kane 26. víti, Moura 30.