Írar misstu af dýrmætum stigum í dag þegar þeir máttu sætta sig við markalaust jafntefli gegn Georgíumönnum í  Tbilisi en þjóðirnar mættust þar í undankeppni Evrópumóts karla í knattspyrnu.

Írar eru í hörðum slag við Danmörku og Sviss um tvö sæti í lokakeppni EM 2020, og um leið getur þessi riðill tengst íslenska landsliðinu og möguleikum þess í keppninni. Þurfi Ísland að fara í umspil eru talsverðar líkur á að mótherji þar yrði það þessara þriggja liða í D-riðli sem ekki kemst beint á EM.

Írar eru nú með 12 stig á toppnum en hafa leikið 6 leiki af 8 og eiga báða keppinautana eftir, Sviss á útivelli á þriðjudaginn og síðan heimaleik við Danmörku í lokin.

Danir eru með 9 stig eftir 5 leiki og Svisslendingar eru með 8 stig eftir aðeins 4 leiki en þessi tvö lið mætast einmitt í Danmörku síðar í dag og sá leikur hefur gríðarlegt vægi í baráttunni um EM-sætin.

Georgía er síðan með 5 stig og Gíbraltar er án stiga og marka í D-riðlinum.

Tengdar fréttir

EM 2020

Þétt setið á ölhúsum meðan á leik stóð

• „Hjartað er báðum megin“
• Kolbeinn jafnaði markametið
• Leikur Englands stöðvaður í tvígang vegna kynþáttaníðs
• Stoltir af okkar fótbolta

» Fleiri tengdar fréttir

• Blogga um frétt