Íslendingar hræðast okkur

Lands­leik­ur Íslands og Eng­lands í Þjóðadeild UEFA á Laug­ar­dals­velli á laug­ar­dag­inn kem­ur verður með óvenju­legu sniði. Eng­ir áhorf­end­ur eru leyfðir vegna kór­ónu­veirufar­ald­urs­ins og þurfa Eng­lend­ing­ar, sem ferðast hingað til lands, að sæta sótt­kví fram að leik eins og Rob Dor­sett, blaðamaður Sky Sports, hef­ur fengið að kynn­ast.

Dor­sett, sem er stadd­ur hér­lend­is til að fjalla um leik­inn, birti í morg­un pist­il á Sky Sports þar sem hann seg­ir frá erfiðri dvöl á ís­lensku hót­eli þar sem hann sit­ur fast­ur í sótt­kví. „Við höf­um verið í sótt­kví inni í hót­el­her­bergi í höfuðborg Íslands í fjóra daga og það er farið að taka á,“ skrif­ar Dor­sett meðal ann­ars.

„Það er eng­in her­berg­isþjón­usta, bara listi af veit­inga- og kaffi­hús­um sem við get­um hringt í og beðið um heimsend­ar veit­ing­ar. Á laug­ar­dag­inn var of mikið að gera hjá þeim öll­um... eft­ir tvo daga af því að borða ávexti, snakk, hnet­ur og út­runnið sus­hi sem við keypt­um á flug­vell­in­um tókst okk­ur loks­ins að fá veit­ingastað til að senda okk­ur pítsu, klukk­an hálfeitt eft­ir miðnætti.“

Dor­sett seg­ir Íslend­inga þar að auki hrædda við sig og koll­ega sína. „Íslenskt fólk hræðist okk­ur, við erum aug­ljós­lega út­lend­ing­ar og þeir hörfa frá okk­ur,“ skrif­ar Dor­sett sem vík­ur einnig að leikn­um sjálf­um, seg­ist bjart­sýnn á að ungu leik­menn Eng­lands, eins og Ma­son Greenwood frá Manchester United, eigi eft­ir að standa sig.

• Blogga um frétt