Sterling tryggði Englandi sigur

Eng­land vann naum­an 1:0-sig­ur á Íslandi á Laug­ar­dals­vell­in­um í fyrstu um­ferð Þjóðadeild­ar UEFA í knatt­spyrnu í dag. Eft­ir frem­ur fá mark­tæki­færi í 90 mín­út­ur voru tvær víta­spyrn­ur dæmd­ar á loka­mín­út­un­um. 

Íslenska landsliðið lék án nokk­urra lyk­il­leik­manna, fyr­irliðinn Aron Ein­ar Gunn­ars­son er ekki í landsliðshópn­um frek­ar en þeir Gylfi Þór Sig­urðsson, Al­freð Finn­boga­son, Jó­hann Berg Guðmunds­son og Ragn­ar Sig­urðsson. Engu að síður hélt ís­lenska liðið vel aft­ur af enska liðinu sem reynd­ar saknaði Harrys Maguires, Marcus Rash­fords og Jor­d­ans Hend­er­sons. 

Á 90. mín­útu fékk Eng­land víta­spyrnu þegar dæmd var hendi á Sverri Inga Inga­son sem að auki fékk brott­vís­un. Hann fékk þá að sjá gula spjaldið í annað sinn í leikn­um. Raheem Sterl­ing skoraði af ör­yggi úr spyrn­unni. Hann hafði sjálf­ur átt skotið sem small í Sverri. 

Hólm­bert Aron Friðjóns­son kom þá inn á og Íslend­ing­ar bombuðu bolt­an­um fram. Hólm­bert féll eft­ir bar­áttu við Joe Gomez og fékk víta­spyrnu. Birk­ir Bjarna­son brenndi hins veg­ar af á víta­punkt­in­um. Skaut yfir sam­skeyt­in hægra meg­in en Jor­d­an Pickford markvörður Eng­lands skutlaði sér í vinstra hornið. 

Íslend­ing­ar höfðu verið manni fleiri frá því á 70. mín­útu þegar bakvörður­inn Kyle Wal­ker fékk sitt annað gula spjald og þar með brott­vís­un. Síðara spjaldið fékk hann fyr­ir að tækla Arn­ór Ingva Trausta­son. 

Eng­lend­ing­ar þurfa víta­spyrn­ur gegn Íslandi

Það tók tíma fyr­ir Eng­lend­inga að skora gegn Íslandi. Þeir höfðu ekki skorað gegn ís­lenska liðinu í nán­ast tvo leiki. Þegar liðin mætt­ust á EM 2016 skoraði Wayne Roo­ney einnig úr víta­spyrnu og kom markið strax á 4. mín­útu. 

Varn­ar­vinn­an var mjög góð hjá Íslandi í kvöld og þótt liðið hafi verið væng­brotið var skipu­lagn­ing­in góð. Skyn­sem­in réð ferðinni og þótt Eng­lend­ing­ar væru miklu meira með bolt­ann opnuðu þeir ekki ís­lensku vörn­ina oft. 

Harry Kane kom þó bolt­an­um í netið snemma leiks eða á 6. mín­útu en markið var dæmt af vegna rang­stöðu. Eng­lend­ing­ar voru ekki sátt­ir við þann dóm enda var virt­ist þetta mjög tæpt. 

Að öðru leyti sköpuðu Eng­lend­ing­ar sér fá opin mark­tæki­færi í fyrri hálfleik. Á 41. mín­útu var James Ward-Prow­se í up­p­lögðu færi þegar hann fékk bolt­ann á markteig en hitti ekki bolt­ann. 

Helsta skottilraun Íslands í fyrri hálfleik var þegar Arn­ór Ingvi Trausta­son skaut fram­hjá mark­inu vinstra meg­in úr auka­spyrnu við víta­teigs­hornið vinstra meg­in. 

Leik­ur­inn róaðist í raun enn frek­ar í síðari hálfleik hvað mark­tæki­fær­in varðar. Decl­an Rice skaut hátt yfir þegar hann fékk gott skot­færi rétt utan teigs á 53. mín­útu. 

Þegar Wal­ker fékk brott­vís­un á 70. mín­útu jókst bjart­sýni ís­lensku landsliðsmann­anna vænt­an­lega enn frek­ar en þér létu þó Eng­lend­ing­um það eft­ir að mestu að vera með bolt­ann. Flest­ir voru vænt­an­lega farn­ir að bú­ast við marka­lausu jafn­tefli þegar Sterl­ing fékk víta­spyrn­una á 90. mín­útu. Síðast þegar Eng­lend­ing­ar komu til Íslands gerðu þjóðirn­ar ein­mitt jafn­tefli, 1:1, en það var árið 1982. 

Kraft­ur í Guðlaugi Victori

Íslenska liðið spilaði eins og það hef­ur gert í mörg ár. Leikstíll sem skilaði því inn á tvö stór­mót og mögu­leik­inn á því að kom­ast inn á það þriðja í röð er enn fyr­ir hendi. Þegar liðið still­ir upp í hálf­gerða hand­bolta­vörn á eig­in vall­ar­helm­ingi er geysi­lega erfitt að búa til góð mark­tæki­færi gegn því. Það hef­ur sýnt sig áður og sýndi sig enn og aft­ur í dag. Leik­menn eru með sín hlut­verk á hreinu og færsl­urn­ar í varn­ar­vinn­unni eru vel þjálfaðar. 

Þegar uppi er staðið áttu Eng­lend­ing­ar fimm skot í leikn­um sem rötuðu á ís­lenska markið. Íslend­ing­ar áttu ekki skot sem rataði á enska markið sem er ekki neitt til að hrópa húrra fyr­ir. En þótt hættu­leg­ar sókn­ir hafi verið fáar fékk Ísland engu að síður víti. Þannig hef­ur þetta oft verið hjá ís­lenska liðinu síðustu árin. Liðið er í vörn gegn sterk­um and­stæðing­um en nær yf­ir­leitt að skapa sér ein­hver dauðafæri. Það er hins veg­ar veru­legt áhyggju­efni hversu illa geng­ur og hef­ur gengið að nýta víta­spyrn­ur á und­an­förn­um árum. 

Guðlaug­ur Victor Páls­son var besti maður ís­lenska liðsins í dag. Lék á miðjunni og var mik­ill kraft­ur í hon­um. Vann mörg ná­vígi og var mjög bar­áttuglaður.  Kára Árna­syni og Sverri Inga gekk vel í miðvarðastöðunum og fengu þá hjálp fyr­ir fram­an sig sem þeir þurfa gegn and­stæðing­um í þess­um gæðaflokki. 

Jón Dag­ur Þor­steins­son fékk tæki­færi í byrj­un­arliðinu og komst ágæt­lega frá því. Al­bert Guðmunds­son var býsna spræk­ur sér­stak­lega þegar haft er í huga að hann fór óvænt inn í byrj­un­arliðið. Hann átti nokkra ágæta spretti en vantaði stund­um bara herslumun­inn á að skapa meiri hættu.

Ísland	0:1	Eng­land	Opna lýs­ingu Loka
90. mín. Raheem Sterl­ing (Eng­land) skor­ar úr víti Renndi bolt­an­um í mitt markið. Hann­es valdi hægra hornið frá Sterl­ing séð.
Mörk Raheem Sterling (90. mín.) Sverrir Ingi Ingason (42. mín.) Sverrir Ingi Ingason (89. mín.) Sverrir Ingi Ingason (89. mín.) Spjöld Kyle Walker (33. mín.) Kyle Walker (70. mín.) Kyle Walker (70. mín.) Joe Gomez (90. mín.) mín. 90 Leik lokið Leiknum er lokið. Tæpt var það. 90 Birkir Bjarnason (Ísland) skorar ekki úr víti Lyfti boltanum yfir markið. Reyndi að setja boltann í samskeytin hægra megin en Pickford valdi hitt hornið. 90 Joe Gomez (England) fær gult spjald 90 Ísland fær víti Já já já já já. Íslendingar bomba fram á Hólmbert og hann er togaður niður. 90 Hólmbert Aron Friðjónsson (Ísland) kemur inn á Var tilbúinn til að koma inn á fyrir nokkru síðan. 90 Jón Daði Böðvarsson (Ísland) fer af velli 90 MARK! Raheem Sterling (England) skorar úr víti Renndi boltanum í mitt markið. Hannes valdi hægra hornið frá Sterling séð. 89 Sverrir Ingi Ingason (Ísland) fær rautt spjald Tvær áminningar og þar með rautt 89 Sverrir Ingi Ingason (Ísland) fær gult spjald 89 England fær víti Neeeeiiiiii Englendingar fá víti. Sterling reyndi skot vinstra megin í teignum. Heimtaði víti og fékk. Svo virðist sem boltinn hafi farið í hönd Íslendings að mati dómarans serbneska. 88 England fær hornspyrnu Frá hægri 87 Íslendingar náðu aðeins að halda boltanum en nú sækja Englendingar á ný. 85 England fær hornspyrnu Frá hægri 85 Íslendingar láta Englendingum það eftir að vera með boltann þótt enskir séu manni færri. 82 England fær hornspyrnu Frá vinstri 80 Hörður fékk tíma til að gefa fyrir frá vinstri en Englendingar náðu að koma boltanum frá. 78 Mason Greenwood (England) kemur inn á Þessi er hættulegur. Lék geysilega vel í sumar. 78 Harry Kane (England) fer af velli Fyrirliðinn fer út af. 76 Hornspyrnan send inn á markteig en Sverrir náði að koma boltanum frá markinu. 76 Emil Hallfreðsson (Ísland) kemur inn á Ísland gæti mögulega haldið boltanum betur með Emil inn á. 76 Arnór Ingvi Traustason (Ísland) fer af velli 75 England fær hornspyrnu Frá vinstri 73 Trent Alexander-Arnold (England) kemur inn á 73 Jadon Sancho (England) fer af velli 73 Hættulegur sprettur hjá Sterling sem keyrði upp að endamörkum vinstra megin og renndi út í teiginn en Íslendingar björguðu. 71 Vænkast nú hagur Íslands. 70 Kyle Walker (England) fær rautt spjald Fékk sína aðra áminningu fyrir brot á Arnóri Ingva á miðjum vallarhelmingi Íslands og fær þar með brottvísun. 70 Kyle Walker (England) fær gult spjald 68 Danny Ings (England) kemur inn á 68 Phil Foden (England) fer af velli 65 Arnór Sigurðsson (Ísland) kemur inn á Arnór skoraði á Laugardalsvellinum fyrir tæpu ári. 65 Jón Dagur Þorsteinsson (Ísland) fer af velli 64 England fær hornspyrnu Frá hægri. Ekkert verður úr henni. 64 England (England) á skalla sem fer framhjá Boltinn fór rétt framhjá eftir aukaspyrnuna. Liklega fór boltinn síðast af Sverri. 63 England fær aukaspyrnu út frá vítateigshorninu vinstra megin. 63 Leikurinn stöðvaður. Sverrir Ingi fékk líklega högg á andlitið. En hann heldur leik áfram. 60 Sancho reynir fyrirgjöf frá hægri sem fer aftur fyrir endamörk. 55 Jón Dagur sendi aukaspyrnuna inn á teiginn en Englendingar komu boltanum frá. Jón Dagur fékk boltann aftur og sendi aftur inn á teiginn en sama niðurstaða. 54 Brotið á Herði og Ísland fær aukaspyrnu á vinstri kantinum nokkurn veginn í línu við vítateigslínuna. 53 Declan Rice (England) á skot framhjá Fékk boltann í fínni skotstöðu við vítateigsbogann en skaut hátt yfir. 51 Englendingar reyna að setja þrýsting á íslenska liðið í upphafi síðari hálfleiks. Þeir vilja brjóta ísinn á fyrsta korterinu í síðari hálfleik. Takist það ekki gæti þetta orðið afar áhugavert. 47 England fær hornspyrnu Frá vinstri 46 Seinni hálfleikur hafinn 45 Hálfleikur Frekar tíðindalitlum fyrri hálfleik er lokið. Staðan er 0:0 og það er fín staða fyrir vængbrotið lið Íslands. Varnarvinna íslenska liðsins er góð og það mun reyna á sköpunargáfu Englendinga í síðari hálfleik til að opna vörnina. 42 Sverrir Ingi Ingason (Ísland) fær gult spjald Fyrir brot. 41 Hættuleg sending inn á teiginn hjá Íslandi en Ward-Prowse fraus eiginlega þegar hann fékk sendinguna og gerði sér ekki mat úr færinu. 34 Arnór Ingvi Traustason (Ísland) á skot framhjá Tók aukaspyrnuna og sendi boltann yfir vegginn en framhjá markinu vinstra megin. 33 Kyle Walker (England) fær gult spjald Fyrir að brjóta á Alberti. 33 Vel gert hjá Alberti. Komst inn í sendingu og keyrði fram vinstra megin. Féll við rétt utan við vítateigshornið vinstra megin og Ísland fær aukaspyrnu. 30 Mikill kraftur er í Guðlaugi Victori á miðjunni. Vinnur hvert návígið á fætur öðru. 29 Raheem Sterling (England) á skot sem er varið Eftir að hafa sótt nokkra stund gegn "handboltavörninni" íslensku leiddist Sterling þófið, sótti inn á miðjuna og reyndi skot en of máttlítið til að setja Hannes í vandræði. 25 Markalaust eftir 25 mínútur. Það eru fín tíðindi fyrir íslenska liðið. Væri gott ef látið yrði reyna á þolinmæði Englendinga hér í dag. Þeir ensku sækja mun meira en varnarvinna íslenska liðsins hefur nokkuð góð. 21 Eftir hornið sendi Jón Dagur ágæta sendingu inn á teiginn en Pickford greip vel inn í. 20 Ísland fær hornspyrnu Frá vinstri 18 Englendingur fékk boltann nánast á markteig en hitti ekki boltann. Mér sýndist það vera Ward-Prowse en þetta var í það minnsta klaufalegt og hann greip um höfuðið. 15 Hættuleg sókn Íslendinga en náðu ekki skoti á markið. Albert reyndi lúmska sendingu inn á teiginn á Jón Daða en Rice komst fyrir. Jón Daði fékk boltann við endamörkin hægra megin en sending hans rataði ekki á samherja. 12 Jón Dagur reyndi að gefa fyrir frá hægri en Trippier gerði vel í að komast fyrir fyrirgjöfina. 10 Hætta við mark Íslands þegar Sterling fékk boltann á fjærstöng eftir hornið en náði ekki valdi á boltanum. 9 England fær hornspyrnu Frá hægri 9 Kyle Walker (England) á skot sem er varið Fast skot hægra megin úr teignum en í hliðarnetið utanvert. Boltinn kom við Íslending því Englendingar fá horn. 8 James Ward-Prowse (England) á skalla sem er varinn Utarlega í teignum og engin hætta á ferðum. 6 Harry Kane potaði boltanum í netið en markið stendur ekki. Rangstaða. 5 Englendingar spila 4-3-3 en þegar Ísland fékk aukaspyrnu á eigin vallarhelmingi þá breyttist það nánast í 4-5-1 því Sterling og Sancho bökkuðu hressilega. Englendingar ætla ekki að brenna sig á föstum leikatriðum íslenska liðsins. 4 Kyle Walker (England) á skot sem er varið Fast skot rétt utan teigs en það er beint á Hannes. 3 Íslendingar sóttu og Jón Dagur reyndi að gefa fyrir frá hægri en Englendingar sáu við þessu. 1 Leikur hafinn Íslendingar byrja með boltann. 0 Síðasta verk dómara og leikmanna áður en leikurinn hefst er að fara niður hné eins og tíðkast hefur víða í vesturlöndum undanfarna mánuði. 0 Þjóðsöngvarnir hafa verið spilaðir. Röddin Páll Sævar kynnir nú liðin og leikurinn getur farið að byrja. 0 Þættinum hefur borist bréf. Heldur leiðinlegt bréf. Kolbeinn Sigþórsson er ekki leikfær vegna meiðsla. Stöðu hans tekur Albert Guðmundsson. Vonandi nýtir Albert tækifærið vel. 0 Birkir Bjarnason leikur A-landsleik númer 85 í dag og er sá sjöundi leikjahæsti í sögu landsliðsins. 0 Markvörðurinn Hannes Þór Halldórsson leikur í dag sinn 70. A-landsleik. Landsleikjum hefur fjölgað verulega á seinni árum og liðið hefur farið lengra í keppnum. Nú nítján sem leikið hafa leikið fleiri A-landsleiki en 70. 0 Dómgæslan er í höndum Serbans Srdjan Jovanovic. 0 Aðstæður til að spila knattspyrnu eru ákjósanlegar í Laugardalnum. Hægviðri, nánast logn og blár himinn. Hitastigið gæti þó verið hærra á þessum árstíma en er um 10 stig. 0 Kári Árna­son, Birk­ir Bjarna­son, Kol­beinn Sigþórs­son og Jón Daði Böðvars­son eru einu leik­menn­irn­ir sem byrjuðu leik­inn gegn Englandi á EM í Frakklandi 2016 þar sem Ísland vann eft­ir­minni­lega 2:1-sig­ur. 0 Í fjarveru Arons Einars Gunnarsson og Gylfa Þórs Sigurðssonar er Kári Árnason fyrirliði. 0 Jón Dagur Þorsteinsson er í fyrsta skipti í byrjunarliði íslenska landsliðsins í mótsleik. 0 Phil Foden spilar sinn fyrsta leik með enska landsliðinu í dag. Hann hefur leikið vel með Manchester City. Þá er James Warde-Prowse í fyrsta skipti í byrjunarliðinu. 0 Eng­lend­ing­ar mæta með sterk­an hóp til leiks en í þeirra raðir vant­ar þó Manchester United stjörn­urn­ar Harry Maguire og Marcus Rash­ford. Einnig er Jor­d­an Hend­er­son, fyr­irliði Li­verpool, ekki með vegna meiðsla. 0 Íslenska landsliðið mæt­ir til leiks án nokk­urra lyk­il­leik­manna, fyr­irliðinn Aron Ein­ar Gunn­ars­son er ekki í landsliðshópn­um ásamt þeim Gylfa Þór Sig­urðssyni, Al­freð Finn­boga­syni, Jó­hanni Berg Guðmunds­syni og Ragn­ari Sig­urðssyni. 0 Ísland spilar tvo landsleiki með stuttu millibili, fyrst gegn Englendingum hér í dag og svo gegn Belgíu á útivelli á þriðjudaginn. 0 Leikið er fyrir luktum dyrum hér í dag vegna kórónuveirunnar og því engir áhorfendur fyrir utan blaðamenn og annað starfsfólk í kringum leikinn. 0 Velkomin með mbl.is í Laugardalinn þar sem Ísland mætir Englandi í fyrstu umferð Þjóðadeildar UEFA í knattspyrnu. Sjá meira Sjá allt Ísland: (4-4-2) Mark: Hannes Þór Halldórsson. Vörn: Hjörtur Hermannsson, Sverrir Ingi Ingason, Kári Árnason, Hörður Björgvin Magnússon. Miðja: Arnór Ingvi Traustason (Emil Hallfreðsson 76), Birkir Bjarnason, Guðlaugur Victor Pálsson, Jón Dagur Þorsteinsson (Arnór Sigurðsson 65). Sókn: Albert Guðmundsson, Jón Daði Böðvarsson (Hólmbert Aron Friðjónsson 90). Varamenn: Rúnar Alex Rúnarsson (M), Ögmundur Kristinsson (M), Jón Guðni Fjóluson, Hólmar Örn Eyjólfsson, Samúel Kári Friðjónsson, Arnór Sigurðsson, Mikael Anderson, Hólmbert Aron Friðjónsson, Andri Fannar Baldursson, Emil Hallfreðsson, Ari Freyr Skúlason. England: (4-3-3) Mark: Jordan Pickford. Vörn: Kyle Walker, Joe Gomez, Eric Dier, Kieran Trippier. Miðja: James Ward-Prowse, Declan Rice, Phil Foden (Danny Ings 68). Sókn: Jadon Sancho (Trent Alexander-Arnold 73), Harry Kane (Mason Greenwood 78), Raheem Sterling. Varamenn: Nick Pope (M), Dean Henderson (M), Tyrone Mings, Trent Alexander-Arnold, Michael Keane, Jack Grealish, Mason Mount , Conor Coady, Ainsley Maitland-Niles, Kalvin Philipps, Danny Ings, Mason Greenwood. Skot: England 7 (5) - Ísland 1 (0) Horn: Ísland 1 - England 7. Lýsandi: Kristján Jónsson Völlur: Laugardalsvöllur Áhorfendafjöldi: Ekki leyfðir. Leikur hefst 5. sept. 2020 16:00 Aðstæður: Ákjósanlegar. Hægviðri, nánast logn og blár himinn. Hitastigið um 10 stig. Völlurinn lítur mjög vel út. Dómari: Srdjan Jovanovic, Serbíu Aðstoðardómarar:

• 1 blogg um frétt­ina

Bloggað um frétt­ina

• Torfi Kristján Stef­áns­son: Tæpt en svo sem í lagi!