Við vissum ekki hvort Sveindís myndi spila

Peter Ger­h­ards­son landsliðsþjálf­ari Svía sagði eft­ir jafn­teflið gegn Íslandi, 1:1, í undan­keppni EM kvenna í fót­bolta á Laug­ar­dals­vell­in­um að Svein­dís Jane Jóns­dótt­ir hefði slegið sitt lið út af lag­inu í kvöld.

Hann sagðist eft­ir leik­inn ekki hafa verið viss um hvort hún yrði í byrj­un­arliðinu í kvöld.

„Hún spilaði gegn Lett­landi en þar sem hún er ung viss­um við ekki hvort hún myndi byrja gegn okk­ur. Hún er virki­lega góður leikmaður, mjög hörð og gerði meira en að taka þessi löngu inn­köst. Ég veit reynd­ar ekki hvað hún eyddi mörg­um mín­út­um í þessi inn­köst, en það er eins og það er, það verða taf­ir á öll­um leikj­um," sagði Ger­h­ards­son við frétta­menn.

Carol­ine Se­ger fyr­irliði Svía tók í sama streng.

„Löng inn­köst eru ís­lenskt vörumerki en við viss­um ekki að þessi leikmaður gæti kastað svona langt. Ég held hins­veg­ar að við höf­um var­ist því vel þangað til þetta mark kom. Það var að sjálf­sögðu óheppi­legt og leiðin­legt að fá á sig svona mark," sagði Se­ger.

• Blogga um frétt