Ætla kaupa Messi næsta sumar

Manchester City hef­ur ekki gef­ist upp á að fá knatt­spyrn­u­stjörn­una Li­o­nel Messi til liðs við sig eft­ir að Arg­entínumaður­inn daðraði við að yf­ir­gefa Barcelona í allt sum­ar.

Messi óskaði eft­ir því við for­ráðamenn Barcelona að fá að róa á önn­ur mið í ág­úst en hann taldi sig geta yf­ir­gefið fé­lagið frítt vegna klausu í samn­ingi hans. Börsung­ar voru á öðru máli og að lok­um ákvað hann að vera frek­ar áfram hjá fé­lag­inu sem hefði reynst hon­um svo vel en að draga það fyr­ir dóm­stóla og deila þar um samn­ingsklaus­una.

Það breyt­ir þó ekki því að Messi, sem er af mörg­um tal­inn einn besti knatt­spyrnumaður heims, er lík­leg­ur til að kveðja fé­lagið eft­ir yf­ir­stand­andi tíma­bil og verður þá áfram lík­leg­ast að hann sam­ein­ist Pep Guar­di­ola á ný hjá Manchester City. Fram­kvæmda­stjóri City, Omar Berrada, blés ekki á þann orðróm í viðtali við Manchester Even­ing News.

„Messi er besti leikmaður sinn­ar kyn­slóðar, öll fé­lög í heimi myndu vilja hafa hann inn­an sinna raða. Það að hann vildi sjálf­ur koma til City seg­ir sitt um hversu langt við höf­um náð sem fé­lag. Það er þó auðvitað ómögu­legt að segja til um hvað ger­ist næsta sum­ar,“ sagði hann.

• Blogga um frétt