Vill feta í fótspor Gascoigne

Knatt­spyrnumaður­inn Jack Greal­ish þreytti frum­raun sína með enska landsliðinu í gær­kvöldi er hann átti stór­góðan leik í 3:0-sigri gegn Wales í vináttu­leik á Wembley.

Miðjumaður­inn er fyr­irliði Ast­on Villa og hef­ur farið stór­vel af stað í ensku úr­vals­deild­inni og náði loks að spila lands­leik, 25 ára gam­all, en hann er þó hvergi hætt­ur. Fyrr­ver­andi enski landsliðsþjálf­ar­inn Steve McClar­en hrósaði Greal­ish í há­stert eft­ir leik og líkti hon­um við gamla enska hetju, Paul Gascoig­ne, sem spilaði 57 lands­leiki á ár­un­um 1988 til 1998.

„Ég myndi elska að vera eins og Gazza,“ sagði Greal­ish við The Guar­di­an eft­ir leik en Gascoig­ne þótti bæði frá­bær knatt­spyrnumaður og mik­ill karakt­er á sín­um tíma. „Hann spilaði leik­inn með gleði, sem er það sama og ég vil gera. Stærsta hrósið sem ég fæ er þegar fólk seg­ist verða ánægt að sjá mig spila fót­bolta.“

• Blogga um frétt