Hættur með enska landsliðið

Phil Neville er hættur sem þjálfari enska kvennalandsliðsins í knattspyrnu.

Frétt af mbl.is

Neville að taka við liði Beckhams

Þetta staðfesti enska knattspyrnusambandið á samfélagsmiðlum sínum í dag en Neville er að taka við Inter Miami, knattspyrnufélagi Davids Beckhams, í bandarísku MLS-deildinni.

Neville mun skrifa undir tveggja ára samning við bandaríska félagið en hann er 43 ára gamall og hefur stýrt enska liðinu frá 2018.

Keppnistímabilið í Bandaríkjunum hefst í lok febrúar en félagið var stofnað á síðasta ári og hafnaði í 19. sæti deildarinnar á sínu fyrsta tímabili.

Óvíst er hver mun stýra enska landsliðinu á Ólympíuleikunum í Tókýó næsta sumar en Sarina Wiegman mun taka við þjálfun enska liðsins næsta haust.

• Blogga um frétt