Zlatan þvertekur fyrir kynþáttaníð: Sumir eru betri en aðrir

Zlatan Ibrahimovic, framherji ítalska knattspyrnufélagsins AC Milan, hefur sent frá sér yfirlýsingu vegna atviks sem átti sér stað í leik Inter Mílanó og AC Milan í átta liða úrslitum ítölsku bikarkeppninnar í Mílanó gær.

Frétt af mbl.is

Zlatan baðst afsökunar eftir rauða spjaldið

Upp úr sauð undir lok fyrri hálfleiks þegar Romelu Lukaku, framherja Inter, og Zlatan lenti saman en þeir rifust eins og hundur og köttur á vellinum áður en þeir fengu báðir að líta gula spjaldið fyrir atvikið.

Zlatan fékk svo að líta sitt annað gula spjald snemma í síðari hálfleik og var rekinn af velli.

Svíinn var sakaður um kynþáttafordóma í garð Lukaku og greindu ítalskir fjölmiðlar frá því að Zlatan hefði látið niðrandi ummæli um móður Lukaku falla.

Mikið hefur verið rætt og ritað um atvikið á Ítalíu í dag en sjónarpsupptökur sína Zlatan kalla Lukaku múlasna í nokkur skipti.

Var Svíinn harðlega gagnrýndur fyrir ummælin en Lukaku svaraði honum fullum hálsi.

„Það er ekkert pláss fyrir kynþáttafordóma í heimi Zlatans,“ sagði Svíinn á Twitter.

„Við erum öll manneskjur og við erum öll jöfn. Við erum öll leikmenn, sumir betri en aðrir,“ bætti Svíinn við en leiknum lauk með 3:2-sigri Inter sem mætir annaðhvort Juventus eða SPAL í undanúrslitum.

• Blogga um frétt