Landsliðskona skiptir um félag í Bandaríkjunum
Setja bókamerki
Landsliðskonan Gunnhildur Yrsa Jónsdóttir er komin til bandaríska knattspyrnufélagsins Orlando Pride frá Kansas City en félögin skiptu á leikmönnum í dag. Besti árangur Orlando í bandarísku atvinnumannadeildinni er þriðja sætið árið 2017.
Gunnhildur kemur til Orlando í staðinn fyrir valrétt í annarri umferð nýliðavalsins. Gunnhildur kom fyrst í bandaríska fótboltann árið 2018 og var í lykilhlutverki hjá Utah Royals í tvö ár. Hún lék með Val seinni hluta síðasta tímabils að láni frá Utah.
Íslenska landsliðskonan verður ávallt í sögubókum Utah Royals þar sem hún skoraði fyrsta mark félagsins í deildarkeppni, en Utah kom fyrst inn í deildina sama tímabil og Gunnhildur gekk í raðir þess. Royals var hins vegar lagt niður í lok síðasta árs og Kansas fékk öll réttindi þess.
Ásamt því að leika með Utah og Val hefur Gunnhildur einnig leikið með Adelaide United í Ástralíu, Vålerenga, Stabæk, Grand Bodø og Arna-Bjørnar í Noregi og Stjörnunni. Hún hefur leikið 76 A-landsleiki og skorað í þeim 10 mörk.
Óskar atbeina Alþingis vegna byrlunar
Viðtalið sem sprengdi meirihlutann?
/frimg/1/46/36/1463611.jpg)
„Það er búið að þvarga hérna fram og til baka“
„Ég veit hver aðkoma ráðuneytisins var“
Ekkert breyst í samstarfinu nema fylgi flokkanna
„Sá það bara hverfa í einni vindhviðu“
Buðu upp á æfingar án öryggisúttektar
„Vindar frelsis fái að leika um samfélagið“