Zlatan í tíu leikja bann?
Setja bókamerki
Zlatan Ibrahimovic, framherji ítalska knattspyrnufélagsins AC Milan, gæti verið á leið í tíu leikja bann fyrir rasísk ummæli í garð Romelus Lukakus, framherja Inter Mílanó.
Það er 101GreatGoals sem greinir frá þessu en bæði Zlatan og Lukaku voru úrskurðaðir í eins leiks bann á dögunum eftir að þeim lenti saman í leik Inter og AC Milan í átta liða úrslitum ítölsku bikarkeppninnar á dögunum.
Zlatan kallaði Lukaku meðal annars múlasna og þá er hann sagður hafa látið óviðeigandi ummæli falla í garð móður Lukakus.
Þá sagði hann leikmanninum að fara og stunda vúdúgaldra en ítalska knattspyrnusambandið mun skoða atvikið betur í vikunni.
Verði Zlatan fundinn sekur um kynþáttafordóma í garð Lukakus gæti hann fengið tíu leikja bann en Zlatan sendi frá sér yfirlýsingu skömmu eftir atvikið þar sem hann þvertók fyrir að hafa verið með fordóma í garð Lukakus.
Guðrún býður sig fram til formanns
Flokkarnir þurfa ekki að endurgreiða styrki
Um 90 milljónir í vanskilum
Óskar atbeina Alþingis vegna byrlunar
„Meiri ágreiningur en við áttum von á“
„Vindar frelsis fái að leika um samfélagið“