Íþróttir | Fótbolti | mbl | 11.2.2021 | 14:08 | Uppfært 14:49

Lykilmaður Bayern með veiruna

Thomas Müller fagnar marki gegn Herthu Berlín á dögunum ásamt …
Thomas Müller fagnar marki gegn Herthu Berlín á dögunum ásamt liðsfélögum sínum. AFP

Thomas Müller, einn af lykilmönnum þýska knattspyrnufélagsins Bayern München, hefur greinst með kórónuveiruna. Hann mun því missa af úrslitaleik liðsins gegn hinu mexíkóska Tigres í heimsmeistaramóti félagsliða í Doha í Katar í kvöld.

Áður höfðu samherjar hans, þeir Leon Goretzka og Javi Martínez, greinst með veiruna undir lok janúarmánaðar og ferðuðust því ekki til Katar, þar sem heimsmeistaramótið fer fram.

Bayern er því án fjögurra leikmanna í úrslitaleiknum, sem hefst klukkan 18 í kvöld, þar sem Jerome Boateng ferðaðist heim til Þýskalands í gær eftir að fyrrverandi kærasta hans fannst látin á heimili sínu.

Farinn heim eftir andlát fyrrverandi kærustunnar
Frétt af mbl.is

Farinn heim eftir andlát fyrrverandi kærustunnar

Müller mun einnig missa af leik Bayern í þýsku 1. deildinni gegn Arminia Bielefeld á mánudaginn kemur og leik liðsins gegn Eintracht Frankfurt aðra helgi. Þá mun hann hugsanlega einnig missa af fyrri leik liðsins gegn Lazio í Meistaradeild Evrópu þann 23. febrúar.

mbl.is
Fleira áhugavert
Þjóðvegur 1 fór í sundur Þjóðvegur 1 fór í sundur á nokkrum stöðum Stöðva hundruð þúsunda svikatilrauna „Fjöllin berja byggðarlögin á misjafnan hátt“
Fleira áhugavert
„Fjöllin berja byggðarlögin á misjafnan hátt“ „Lán að sá sem stóð við ræsið heyrði skruðningana“ Nýtt að gestalistinn sé umræðuefni á Alþingi Skrifstofustjóri Ásthildar fór í karphúsið