Staðfesta komu Arons

Pólska knattspyrnufélagið Lech Poznan staðfesti í kvöld komu Arons Jóhannssonar til félagsins. Framherjinn skrifaði undir samning við félagið sem gildir út árið, með möguleika á átján mánaða framlengingu. 

Aron skoraði tólf mörk í 22 leikj­um í sænsku úr­vals­deild­inni með Hamm­ar­by á síðustu leiktíð en hef­ur verið án fé­lags síðustu mánuði. 

Aron, sem er upp­al­inn í Grafar­vogi, er fædd­ur í Banda­ríkj­un­um og hef­ur leikið 19 lands­leiki fyr­ir Banda­ríkja­menn. Lech Pozn­an er í tí­unda sæti pólsku úr­vals­deild­ar­inn­ar. 

„Aron eykur möguleikana okkar í sóknarleiknum. Hann er hreyfanlegur og getur bæði spilað sem fremsti maður á miðjunni og sem framherji. Hann spilaði vel á móti okkur í Evrópudeildinni með Hammarby,“ er haft eftir Dariusz Zuraw þjálfara Lech Poznan á heimasíðu félagsins. 

• Blogga um frétt