Guð snýr aftur

Zlatan Ibrahimovic er mættur aftur í sænska landsliðið í knattspyrnu eftir langa fjarveru.

Framherjinn, sem er 39 ára gamall, lagði landsliðsskóna á hilluna árið 2016 eftir fimmtán ára landsliðsferil.

Hann er hins vegar í hópnum hjá Svíum sem mæta Georgíu og Kosovó í undankeppni HM í landsleikjaglugganum í mars.

Svíar leika í B-riðli undankeppninnar ásamt Spáni, Grikklandi, Georgíu og Kosovó en Janne Anderson er þjálfari Svía í dag.

„Guð snýr aftur,“ skrifaði Zlatan í færslu sem hann birti á samfélagsmiðlinum Twitter í dag.

Zlatan Ibrahimovic er mættur aftur í sænska landsliðið. AFP

• Blogga um frétt