Þú veist hvað ég elska þig mikið

Joan Laporta tók við sem forseti spænska íþróttafélagsins Barcelona í dag í annað sinn.

Laporta, sem er 58 ára gamall, var forseti félagsins frá 2003 til ársins 2010 en spænska félagið er í miklum fjárhagsvandræðum þessa dagana.

Þá hefur Lionel Messi, fyrirliði liðsins og einn besti knattspyrnumaður sögunnar, verið sterklega orðaður við brottför frá félaginu að undanförnu.

Messi er með klásúlu í samningi sínum sem gerir honum kleift að yfirgefa félagið eftir tímabilið á frjálsri sölu en Laporta ætlar að leggja allt kapp á að halda argentínska snillingnum.

„Ég mun gera allt sem í mínu valdi stendur til að halda Messi hjá félaginu,“ sagði Laporta þegar hann tók við embætti í dag.

„Hann er besti leikmaður í heimi og vonandi fyrirgefur hann mér fyrir að segja þetta á opinberum vettvangi en þú veist hvað ég elska þig mikið og hversu mikið við viljum halda þér hérna,“ sagði Laporta og beindi orðum sínum að Messi.

• Blogga um frétt