Leikur Íslands og Þýskalands fer fram

Leikur Íslands og Þýskalands í undankeppni HM í knattspyrnu verður spilaður í kvöld þrátt fyrir að leikmaður þýska liðsins hafi greinst með kórónuveiruna í morgun.

Þetta hefur þýski miðillinn Kicker eftir Jens Grittner, talsmanni þýska knattspyrnusambandsins, sem fullyrðir að leikurinn geti farið fram eftir að sambandið ræddi við heilbrigðisyfirvöld í Düsseldorf.

Frétt af mbl.is

Grunur um smit í þýska landsliðinu

Bild sagði frá því í morgun að miðjumaðurinn Jonas Hofmann væri með veiruna og þá kom fram að hann æfði með þýska hópnum í gærkvöldi. Aðrir leikmenn fóru strax í úrvinnslusóttkví og er ekki talið að veiran hafi náð að dreifa sér milli hópsins.

Framkvæmdastjóri þýska liðsins, Olivier Bierhoff, hafði áður sagt í hádeginu að hann væri bjartsýnn á að hægt yrði að spila leikinn.

• Blogga um frétt