Liðunum sparkað úr Meistaradeildinni nú þegar?
Setja bókamerki
Jesper Möller, stjórnarmaður í Knattspyrnusambandi Evrópu, UEFA, var harðorður á ársþingi UEFA sem nú stendur yfir og hvetur til aðgerða nú þegar gegn félögum sem vilja stofna nýja deild og eru enn með í undanúrslitum Meistaradeildar Evrópu.
Að mati Danans eiga Chelsea, Real Madríd og Manchester City ekki að fá tækifæri til að ljúka keppni í Meistaradeild Evrópu fyrst þau ætla að vera með því að stofna nýja keppni fram hjá UEFA. Þessi þrjú lið eru í undanúrslitum keppninnar ásamt París St. Germain.
„Þessi lið þurfa að víkja og ég býst við að það verði raunin á föstudaginn. Í framhaldinu þurfum við að vinna út úr því hvernig best sé að ljúka Meistaradeildinni á þessu keppnistímabili,“ sagði Möller en Simon Evans, blaðamaður hjá Reuters, hefur þetta eftir honum.
Stórfelld netárás gerð á DeepSeek
„Við erum ekki í neinu stríði við kennara“
„Stærsti núverandi baráttuvettvangur stórveldanna“
Þrot vofir yfir Flokki fólksins
Hrossatað losað við Úlfarsfell
Segist bundinn trúnaði um samtalið við Ingu
Brýn nauðsyn að endurskoða hættuna á stórgosi
„Við treystum því að þetta muni fara vel“