Svipað fyrirkomulag í ofurdeildinni
Setja bókamerki
Ný ofurdeild, skipuð tólf af stærstu félögum Evrópu, á að vera með svipuðu fyrirkomulagi og Meistaradeild Evrópu.
AC Milan, Arsenal, Atlético Madrid, Chelsea, Barcelona, Inter Mílanó, Juventus, Liverpool, Manchester City, Manchester United, Real Madrid og Tottenham eru félögin sem standa á bak við deildina og þá eru þrjú til til viðbótar í viðræðum um að koma að stofnun deildarinnar.
Til stendur að tuttugu lið spili í deildinni og því verða fimm laus sæti fyrir önnur félög sem geta tryggt sér þátttökurétt í deildinni með góðum árangri heima fyrir.
Liðin tuttugu munu spila í tveimur tíu liða riðlum þar sem leikið yrði bæði heima og heiman, í miðri viku.
Þrjú efstu liðin myndu fara beint í átta liða úrslit deildarinnar í lok hvers tímabils en liðin í 4.-5. sæti myndu mætast í umspili þar sem leikið yrði heima og heiman um síðustu lausu sætin í átta liða úrslitunum.
Eftir það tekur við eins fyrirkomulag og tíðkast í Meistaradeild Evrópu með tilheyrandi undanúrslitum og auðvitað úrslitaleik.
Hrossatað losað við Úlfarsfell
Lausatök í styrkgreiðslum til flokkanna
NATO og ESB þegja þunnu hljóði
Óvenjulegar MDMA-töflur í umferð á Íslandi
Mikil misbeiting á ráðherravaldi
Stórfelld netárás gerð á DeepSeek