UEFA staðfestir nýtt fyrirkomulag Meistaradeildar karla
Setja bókamerki
Knattspyrnusamband Evrópu, UEFA, staðfesti á ársþingi sínu í dag nýtt keppnisfyrirkomulag í Meistaradeild karla sem tekur gildi frá og með keppnistímabilinu 2024-25.
Liðum sem taka þátt í aðalkeppni Meistaradeildarinnar verður fjölgað úr 32 í 36. Ekki verður um hefðbundna riðlakeppni að ræða heldur mun hvert lið fyrir sig mæta tíu mismunandi mótherjum, fimm á heimavelli og fimm á útivelli, í stað þess að leika tvöfalda umferð í fjögurra liða riðli.
Efstu átta liðin að tíu umferðum loknum komast síðan beint í sextán liða úrslit en liðin í níunda til 24. sæti leika eina útsláttarumferð, heima og heiman, um sæti í sextán liða úrslitunum.
Svipað keppnisfyrirkomulag verður í Evrópudeild karla, nema þar leika liðin átta leiki í stað tíu í Meistaradeildinni. Nýja Evrópukeppnin sem bætist við árið 2024, UEFA Europa Conference League, verður með sex leikjum á lið. Ekki er búið að útfæra endanlega liðafjöldann í tveimur síðarnefndu mótunum.
Sem fyrr vinna félög sér sæti í Meistaradeildinni og hinum keppnunum með árangri sínum í deildakeppni einstakra landa í Evrópu.
Þrot vofir yfir Flokki fólksins
„Ansi sérstakt“ ef Inga notfærði sér stöðu sína
Buðust til að senda hermenn til Grænlands
Ræna fólki og neyða í herþjónustu
Óvenjulegar MDMA-töflur í umferð á Íslandi
„Við erum ekki í neinu stríði við kennara“
NATO og ESB þegja þunnu hljóði
Stórfelld netárás gerð á DeepSeek