Andrea Agnelli, stjórn­ar­formaður ít­alska knatt­spyrnu­fé­lags­ins Ju­vent­us og einn forsprakka evr­ópsku of­ur­deild­ar­inn­ar, seg­ir að hún sé búin að vera og ekki verði hægt að stofna til henn­ar án þátt­töku ensku fé­lag­anna.

„Ef ég á að segja það í fullri hrein­skilni, þá er svarið nei. Það verður greini­lega ekki hægt,“ svaraði Agnelli spurn­ingu frétta­stofu Reu­ters um mögu­leik­ann á fram­haldi. Fé­lög­in sex sem eft­ir eru lýstu því yfir seint í gær­kvöld að stefnt væri að því að halda áfram með deild­ina.

„Ég er áfram sann­færður um gildi deild­ar­inn­ar og hversu mik­ils virði hún hefði verið fyr­ir þróun knatt­spyrnu­heims­ins sem besta knatt­spyrnu­keppni heims. En nei, ég tel að þetta verk­efni sé ekki leng­ur í gangi,“ sagði Agnelli.

Agnelli sagði af sér sem formaður Sam­taka evr­ópskra knatt­spyrnu­fé­laga, ECA, um helg­ina í aðdrag­and­an­um að til­kynn­ing­unni um stofn­un of­ur­deild­ar­inn­ar.

For­seti UEFA, Al­eks­and­er Cefer­in, vandaði Agnelli ekki kveðjurn­ar og kvaðst aldrei hafa kynnst öðrum eins lyg­um og svik­um eft­ir að stofn­un deild­ar­inn­ar var gerð op­in­ber á sunnu­dag­inn en þeir höfðu unnið náið sam­an, m.a. að und­ir­bún­ingi breyt­inga á Meist­ara­deild Evr­ópu.

Frétt­ir hafa verið uppi á Ítal­íu um að Agnelli hafi sagt af sér hjá Ju­vent­us en þær hafa ekki feng­ist staðfest­ar.

Tengd­ar frétt­ir

Of­ur­deild­in

UEFA hef­ur ekki efni á að gagn­rýna of­ur­deild­ina

• Of­ur­deild­ar­fé­lög­un­um verður ekki refsað
• Ensku of­ur­deild­ar­fé­lög­in fá háa sekt
• Of­ur­deild­in er ekki dauð
• Stórliðin í bann frá Evr­ópu­keppn­um?

» Fleiri tengd­ar frétt­ir

• Blogga um frétt