Inzaghi að taka við meisturunum

Útlit er fyrir að Simone Inzaghi taki við ítalska meistaraliði Inter í knattspyrnu eftir að Antonio Conte lét óvænt af störfum hjá félaginu á dögunum.

Conte, sem er 51 árs gam­all, hef­ur stýrt liði In­ter frá ár­inu 2019 en hann stýrði liðinu til sig­urs í ít­ölsku A-deild­inni í fyrsta sinn síðan 2010 á nýliðinu keppn­is­tíma­bili. Á miðvikudaginn síðasta hætti hann svo með liðið og daginn eftir yfirgaf Inzaghi lið Lazio.

Inzaghi þjálfaði Lazio í þrjú ár og gerði liðið að ítölskum bikarmeistara árið 2019 en félagið staðfesti brotthvarf hans á fimmtudaginn. The Athletic segir frá því að Inzaghi hafa áhuga á því að byggja upp nýtt lið hjá meisturunum en samkvæmt La Gazzetta dello Sport ætlar forseti fé­lags­ins, Steven Zhang, að selja nokkr­ar af stærstu stjörn­um fé­lags­ins í sum­ar og skera niður launa­kostnað.

Conte hafði von­ast til þess að geta byggt ofan á þann ár­ang­ur sem náðist á tíma­bil­inu og var ekki tilbúinn að hefja nýja endurbyggingu á liðinu. Inzaghi verður því líklegast maðurinn sem tekur það verkefni að sér.

• Blogga um frétt