Sænska knattspyrnufélagið Gautaborg tilkynnti í dag að það ætli að standa við bakið á sóknarmanninum Kolbeini Sigþórssyni og styðja hann í endurhæfingu vegna þeirra mála sem hann hefur glímt við á Íslandi.

Í yfirlýsingu Gautaborgar segir:

„Stjórn IFK Gautaborg hefur rætt ítarlega við Kolbein Sigþórsson síðustu vikur og niðurstaðan er sú að við setjum upp langtímaplan fyrir hann.

Planið er byggt á gildum IFK Gautaborgar, ábyrgð okkar og skyldum sem vinnuveitendum. Það byggir líka á markmiðum Kolbeins um að bæta sig persónulega.

Þeir atburðir sem áttu sér stað á Íslandi hafa verið í ferli á milli aðilanna undanfarin fjögur ár.

Í þeirri endurhæfingu sem nú hefur verið sett af stað mun stærsti hlutinn byggjast á Kolbeini sjálfum. Við erum svokallaðir stuðningsaðilar og IFK Gautaborg aðstoðar við að fylgja ferlinu eftir.

Kolbeinn þarf að gangast undir aðgerð á fæti og fara í líkamlega endurhæfingu samhliða þeirri persónulegu endurhæfingu sem hann gengst nú undir.“

Tengdar fréttir

Kynferðisbrot innan KSÍ

Landsréttur mildar þriggja ára nauðgunardóm

• „Stjórnarmenn og starfsmenn til margra ára hrökkluðust í burtu“
• Braut persónuverndarlög – Óljóst um miskabætur
• Mál Arons og Eggerts fellt niður
• Landsliðsferlinum lokið?

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Vá, Svíar líka hluti af þöggun og meðvirkni.