Berglind Rós og félagar á miklu skriði

Berglind Rós Ágústsdóttir og liðsfélagar hennar í Örebro eru á miklu skriði þessa dagana en liðið vann 2:1-heimasigur gegn Piteå í sænsku úrvalsdeildinni í knattspyrnu í kvöld.

Leiknum lauk með 2:1-sigri Örebro en Berglind Rós Ágústsdóttir lék allan leikinn með Örebro.

Hlín Eiríksdóttir var í byrjunarliði Piteå en var skipt af velli á 74. mínútu. Cecilía Rán Rúnarsdóttir var ónotaður varamaður hjá Örebro.

Örebro er með 30 stig í fimmta sæti deildarinnar, tveimur stigum minna en Kristianstad sem er í þriðja sætinu, en þriðja sætið gefur sæti í undankeppni Meistaradeildarinnar. Berglind hefur verið í lykilhlutverki með liðinu á tímabilinu.

Örebro tapaði síðast leik í deildinni 12. september gegn meisturum síðasta árs í Häcken en liðið hefur unnið fjóra af síðustu fimm deildarleikjum sínum.  er hins vegar í ellefta og næst neðsta sætinu með 16 stig.

Þá lék Guðrún Arnarsdóttir allan leikinn með Rosengård sem vann 3:1-heimasigur gegn Eskilstuna.

Rosengård tryggði sér meistaratitilinn í síðasta mánuði en Guðrún hefur verið lykilkona í varnarleik liðsins síðan hún kom frá Djurgården í júlí.

• Blogga um frétt