Bandaríkin unnu erkifjendurna
Setja bókamerki
Bandaríska karlalandsliðið í knattspyrnu vann sterkan 2:0-heimasigur á nágrönnum sínum og erkifjendum í Mexíkó í undankeppni HM í Norður- og Mið-Ameríku í nótt og smeygði sér um leið upp í efsta sæti keppninnar.
Christian Pulisic og Weston McKennie skoruðu mörk Bandaríkjamanna og komu þau bæði seint í leiknum.
Pulisic skoraði á 74. mínútu og McKennie innsiglaði sigurinn á 85. mínútu.
Bandaríkin jöfnuðu þar með Mexíkó að stigum. Þau eru bæði með 14 stig að loknum sjö umferðum en Bandaríkin eru með betri markatölu og því á toppnum.
Skammt undan er svo Kanada með 13 stig í þriðja sætinu.
El Salvador og Jamaíka gerðu þá 1:1-jafntefli í sömu keppni í nótt.
Michail Antonio hafði komið Jamaíku yfir með sínu fyrsta landsliðsmarki á 82. mínútu en Alex Roldán jafnaði metin fyrir El Salvador á 90. mínútu.
Pablo Punyed, leikmaður Víkings úr Reykjavík, sat allan tímann á varamannabekk El Salvador.
Náðun stuðningsmanna Trumps vekur ólík viðbrögð
Ákvörðun Trumps veldur titringi
Inga Sæland fyrir og eftir ráðherrastólinn
„Sársauki okkar er nístandi“
Nýr gróðureldur blossar upp í Los Angeles