Góður sigur Bayern á toppliðinu
Setja bókamerki
Bayern München frá Þýskalandi sigraði Lyon frá Frakklandi 1:0 í riðlakeppni Meistaradeildar kvenna í knattspyrnu í München í kvöld.
Saki Kumagai skoraði sigurmark leiksins á 69. mínútu en fyrir leikinn var Lyon taplaust á toppi riðilsins. Glódís Perla Viggósdóttir kom inn á sem varamaður á 81. mínútu en Karólína Lea Vilhjálmsdóttir sat allan leikinn á varamannabekk Bayern.
Þrátt fyrir tapið er Lyon enn í toppsæti D-riðilsins með níu stig. Bayern kemur næst á eftir þeim með sjö stig og Benfica og Häcken eru svo í þriðja og fjórða sæti en þau mættust fyrr í dag.
Í C-riðli sigraði enska liðið Arsenal dönsku meistarana HB Köge þægilega 3:0 í London. Caitlin Foord kom Arsenal yfir á 15. mínútu og þannig var staðan allt þangað til á 83. mínútu. Þá tvöfaldaði Lotte Wubben-Moy forustuna áður en Vivianne Miedema skoraði þriðja markið á 88. mínútu.
Barcelona er með fullt hús stiga á toppi riðilsins eftir fjóra leiki. Arsenal er í 2. sæti með níu stig, Hoffenheim í þriðja sætinu með þrjú stig og HB Köge rekur lestina án stiga.
Ófyrirsjáanlegt tjón blasir við
„Breytir ekki okkar viðbúnaði“
Stefnan foreldrum „til skammar og minnkunar“
Tveggja ára fangelsi fyrir manndráp á Lúx
Halla klár í slaginn
Hvað er Trump búinn að gera?
Segir málinu laumað í gegnum kerfið