PSG áfram í Meistaradeildinni
Setja bókamerki
Franska liðið PSG sigraði Real Madrid 2:0 í B-riðli Meistaradeildar kvenna í knattspyrnu í kvöld. Liðin eru með Breiðabliki í riðli og þýða þessi úrslit að PSG er komið áfram í 8-liða úrslitin.
Marie-Antoinette Katoto kom PSG yfir á 32. mínútu og Sakina Karchaoui kom þeim í 2:0 á 70. mínútu. PSG eru á toppi riðilsins með fullt hús stiga en Real Madrid eru í 2. sæti með sex stig. Kharkiv kemur svo næst með fjögur stig og Breiðablik rekur lestina með eitt.
Í A-riðli vann enska liðið Chelsea 1:0 sigur á svissneska liðinu Servette. Það var Samantha Kerr sem gerði sigurmarkið um miðbik seinni hálfleiks en hún skrifaði einmitt undir nýjan samning við félagið á dögunum. Amandine Soulard fékk að líta sitt annað gula spjald og þar með rautt undir lok leiks.
Chelsea eru á toppi riðilsins með 10 stig eftir fjóra leiki, þremur stigum meira en ítalska liðið Juventus sem er í öðru sæti. Þýska liðið Wolfsburg er í þriðja sætinu með fimm stig en Servette er á botninum án stiga.
Tveggja ára fangelsi fyrir manndráp á Lúx
Foreldrar stefna kennurum: „Þetta er neyðaraðgerð“
Fer annan hring í borginni og framkvæmdir frestast
Halla klár í slaginn
Fordæmalaust fárviðri sem gæti orðið sögulegt
Stefnan foreldrum „til skammar og minnkunar“
Útlit fyrir talsverða snjókomu
„Svakalega öflug lægð“